囝囝完全冇对老窦扭计，反而「针对」阿妈。靓靓虽然唔算瘦，但孭住 4岁半、手长脚长嘅慕童，都咪话唔吃力。
妈咪姐手帐
靓靓俾仔虾
2011年06月24日
早前，袁咏仪（靓靓）狂呻囝囝慕童只顾黐老公张智霖（ Chilam），囝囝更明言钟意同爸爸玩多啲。虽然靓靓觉得不是味儿，但佢依然戮力讨好囝囝。
周六(18日)父亲节前夕，佢哋一家三口到跑马地间「大少爷」茶餐厅食 tea预祝。出出入入，慕童都扭 Chilam抱，但佢懒理囝囝，一个箭步行先。离去时，靓靓抱住囝囝上车， 4岁半大嘅慕童生得高大，妈咪姐见靓靓孭得好吃力，於是佢放低慕童，叫佢自己行上车。虽然座驾泊正食肆门口，但慕童摆明虾妈咪，脚都未企稳又箍实靓靓，系都要佢抱上车。最后靓靓就范，喺佢怀中嘅慕童就偷笑，真系吹胀！
至於 Chilam呢，全程坐喺司机位，繑埋双手睇住靓靓两仔乸「扭战」。出名伥**辣嘅靓靓，竟然俾两个「囝囝」治到贴贴服服，真系世界轮流转！
靓靓终於顶唔住放低囝囝，但囝囝诈娇，箍实靓靓扭抱。
最后靓靓就范，抱起囝囝上车。扭计得逞嘅囝囝就伏喺阿妈膊头偷笑，认真鬼马。
妈咪姐手帐
冧到晕
2011年06月24日
父亲节正日， Chilam自言冇特别庆祝，「个仔喺我出门口时，锡咗我一啖，仲叫我返工小心啲，已经好开心啦！」佢喺微博上载囝囝咀佢嘅相，以及平日亲子游泳照，仲话相处开心就日日都系父亲节喎！
Chilam喺微博度放上同囝囝游水，以及与囝囝同眠嘅温馨相。原来靓靓埋怨囝囝偏锡老窦多啲，一啲都冇夸张喎。
靓靓则喺微博度大晒家庭乐，都咪话唔恨死好多人 o架。
魔童越长越像某仙了······
