香港台d无聊读音

好似“忠谷”系比较文雅的用法，一D重要的场合都会甘讲，应该唔系懒音。唔知正字系咪“忠鞠”，求高人指点。

回复2楼：
咩无聊音啊，【忠告】本身就应该读zung guk，读zung gou你系畀人普化咗。
【告】本身就有入声读法，日语裏便呢个字读koku，对应到粤语裏便就系guk / kuk / hak / gwok / huk

诰【集韵】姑沃切，音梏。亦告也。

香港某的正音教授肯定可以搵到咩“广韵”出处，但系，讲咗咁多年嘅"zonggou",咁替换法，感觉好突兀。
觉得香港呢几年嘅“正音工程”已经走火入魔，字字词词都想系所谓嘅“古汉语”韵书搵根源，从来没勇气承认好多广东话用词系本地土产，两千年前就系土产，与“汉语”没关系。生拉硬套，搞得不伦不类。身在岭南而深信自己为最正宗皇汉，又知道与北方绝对有差别，希望从语言上寻找可怜嘅信心，反而使自己变得两头不到岸。
如果唔系岭南本位粤语本位，那么就像现代汉语白话文（普通话）靠拢吧，粤语皇汉（正宗汉语）理论无法坚持下去的。

就个人来讲，“懒音”都比所谓嘅“正音”更可取。宜家香港某些专家嘅“正音”系搵一个想象中嘅祖宗（未必系真正嘅祖宗）来强迫其他人遵从。

正音系需要嘅，但唔可以完全信晒“字典”，有唔少粤语字词同字典音根本对应唔到，毕竟该“字典”唔系“粤语字典”。所以近年香港媒体大肆宣扬嘅“妖音”真系令人无奈……
但系标准仍然系需要嘅，“懒音”就系因为我地本身粤语无系统嘅教育。所以应该搵到一个合适嘅“标准”而唔系迷信“字典”（字典只可以提供一定嘅理据），然后提高大家嘅粤语语文水平。我地自细根本无接受过正规嘅粤语教学，顶多算读到“幼稚园”水平。此所谓粤语杂乱无章之根本。

咁“告状”香港人会唔会读成“谷状”？

佢啲正音，全部正翻广韵去喇~

“忠谷”唔系正音正返嚟嘅，香港一直都系咁读

忠诰

这些广州话读音都来源自民国初年，从广州到香港教中文的广东籍老师，说广州话。易经有爻辞：初筮告，告，广州话念入声。

原来系咁