李思欣嫁DJ范振锋（Ricky）平搞豪华婚礼，皆因婚纱、去关岛注册结婚、场地布置、摄影录像、化妆整头，甚至结婚蛋糕等均有赞助，连买饼卡都有优惠折头，加加埋埋悭到超过30万洗费！但做得够体面，一啲都唔失礼。最开心系，范振锋唔使放水娶老婆，斋赚人情都几爽。本周日（即15日）系李思欣和范振锋大喜日子，虽然两人已於去年12月8日在关岛注册结婚，老人家却拣定好日於酒店补摆喜酒，筵开50席招呼亲友。这一对新人虽然平搞婚礼，但要派头，唔可以失礼，连结婚蛋糕都亲自拣选，唔可以求求其其。上周，两人便手拖手去到赞助的美心饼店拣选结婚蛋糕，於新婚系列蛋糕小册子中左揭右揭，睇足半个小时，最后选中三层高，名为「爱的礼物」蛋糕。思欣说：「我钟意简洁清雅款式，要以白色为主，咁至可以衬到场内香槟玫瑰布置，颜色太sharp唔配合。」范振锋点头回应：因为宾客众多：「因为宾客众多,个蛋糕唔可以太细，都好多人想食蛋糕㗎嘛。」 屈指一算，狂搵赞助的范振锋悭到大笔老婆本，咁娶老婆咪有得赚？他却矢口否认说：「唔会咯，因为摆酒冇赞助，要成一万蚊一围，我请亲戚、夥计员工多，唔通叫佢地做足人情咩？」范振锋又忍不住呻：「原先都搵到酒席赞助，可惜场地要一早book定，真系迟咗一步，唔系悭得仲多呀，最开心系，赞助商永远畀最好嘅嘢出嚟，真系畀足钱都唔够我咁好呀。」范振锋，你系得嘅！
