阮办公室泉州侬佮漳州侬计诚济，下晡有几个外地侬突然间咧讨论闽南语，有一个侬讲伊听阮讲话已经听有诚济，毋过听楼下一个阿婆讲话就几乎听无。
了后逐个就讨论去腔口的问题，泉州侬佮漳州侬就斗讲对方讲话有淡薄词会听无。讨论到上押尾，一个湖北侬感叹，说：恁诚爽，无相同的所在腔口只是小可精差，有法度像按呢交谈，侬阮湖北隔一个城就全部听无咧讲啥潲。
我讲这项代，第一是感觉一个官话区的侬来感叹咱福建语言统一诚够额趣味。。。
第二是欲佫一摆共逐个讲，咱泉漳闽南语差异其实诚实无啥，适应一下就好，连外地侬嘛咧欣羡咱的通话度。