T∶东TOUCH 曾∶曾志伟 毛∶毛舜筠
T∶两位演夫妻时真系好似两公婆，到底有乜0野秘诀？
曾∶毛毛份人演戏好投入，一演夫妻就要求住埋一齐。
毛∶呢个系佢心愿，但冇实现过。
曾∶有就惨喇，有咁样0既老婆，人都唔想做啦，咩都管，你睇Tony（毛舜筠丈夫）就知，Tony首主题曲就系∶「我冇自由！我失自由！」
T∶今次小男人大女人角色互换，有新火花？
曾∶佢纯粹做番自己，我就困难0的，做一个完全唔似我0既角色。
毛∶其实唔系，现实中我好怕老公。我经常想练到自己唔怕，但无奈心裏面系有少少怯。
曾∶你系扮怕。如果怕，又点会拍到场跳艳舞戏？你老公睇完一定嗌离婚呀！
毛∶所以我都未讲俾老公知，连两个女都唔知。现场都有争扎过，但拍戏都系想演一场大家平时冇睇过戏俾大家睇，当刺激观众好，当刺激自己都好啦。
T∶点解0黎到今年先搵Mo姐拍，还是一直视佢为最具攻击性0既秘密武器？
毛∶其实佢随时叫我都制，哈哈……事实上佢第一年都已经叫我，但我当时拍紧处境剧，足足横跨3年。我个人分 唔到心，拍紧一部戏时就会完全投入角色，唔可以分心演另一个角色。扮演紧朝九晚五的OL时，返到屋企就会连家庭煮妇都做唔番，0系屋企只可以食饭同瞓觉， 直至整套剧完晒先可以回复自己。所以到今年志伟一打0黎，我就一口答应。
T∶拍贺岁片最开心0既地方系？
毛∶因为通常都有几pair人去拍，全套戏戏份分散0左，自己冇咁大压力。而且喜剧唔似喊戏，要培养情绪去演，舒服好多，大部分时间都系开心。不过我系个好易紧张0既人，每拍一场戏都想度得再搞笑0的，所以过程中都有少少压力，好多时一谂到好桥就要立即起身写低佢。
曾∶拍喜剧本身就系一件开心事，我拍《安乐战场》时，每场戏都要度人质要点死，成个人极唔安乐，试过瞓紧觉 成个人弹起身对住块镜捉紧个拳头。拍喜剧就唔同，你全日都要度点样先好笑，有靓女出场时点样去抽下水，就算做唔到，讲下都开心。好似《五福星》系列，年年 都搵一个靓女0黎抽水，胡慧中、关芝琳、刘嘉玲，个个都抽过晒。
毛∶今年都系呀！（暗指自己靓女）
T∶点解呢3年都keep住要拍贺岁片？
曾∶第一年拍基於3个理由，一、邵氏想拍番电影，二、邵氏想0系新片厂试搭一个街景，三、其实TVB入面有 好多好戏之人，就系冇机会俾佢0地0系大银幕出现，於是我就借贺岁片为名，俾呢班演员上大银幕。第一年已经铁定我拍0既贺岁片一定要够地道，所有加入0左 铺租贵、掉镪水落街等情节。第二年，因为发生菲律宾人质事件，我想讲一0的香港人值得开心0既事，於是用集体回忆讲屋邨街坊过中秋。本来今年想停一停，但 年中做一个财经杂志访问时，0个位编辑问我今年又会拍咩题材贺岁片？呢样0野似乎成为观众0既期望，於是触动我又搵人开工，而今年就讲最hit0既话题∶ 「世界末日」。
因乜针对黄百鸣
今年已是曾黄对战的第三回，其实两位都系当年新艺城的中硫砥柱，至今仍令志伟哥引以为傲0既《最佳拍档》更系由百鸣哥做编剧。本是同根生，因乜要到每年最应该高高兴兴0既日子先0黎相煎呢？
T∶90年代尾至2000年头，贺岁片热潮突然减退，系老板嫌弃赚得少，还是市场不再需要？
曾∶其实系识写喜剧0既人少，识拍0既人更少。而且大陆市场需要好长时间去等批文，试问一套贴近生活0既贺 岁片，点可能年头就谂定拍乜，7月就拍起等批文？所以拍番香港题材0系香港上画就最好不过。另一原因系眼见有年要以《门徒》去做贺岁片，又断手又死人又毒 品，呢样0系以前系冇可能发生，所以促使我要拍番套真真正正的贺岁片。
T∶真正原因唔系见到《家有囍事2009》咁都收得，自己都要拍番套咩？
曾∶哈哈……得黄百鸣一个拍太孤独喇，所以我都整套出0黎凑下热闹。亦希望佢见到有对手后，可以发愤嘛！市场系要有竞争先会进步，所以我一直都赞成香港有多几间电视台，我系TVB人都咁讲，而家TVB0既运作系唔健康。
T∶百鸣哥作品向来系大卡士星光熠熠，而你就务求人多热闹，故事要够地道草根，市场上系因已经走出两种贺岁片方向？
曾∶可能我冇野心拍咁贵0既片啦，黄百鸣目标放眼大陆市场，所以一定要用巨星。呢种模式由80年代已经开始，所以3年前一开工，我讲明唔想重复对手模式，亦唔想俾咁大压力老板，於是尝试以TVB一班具实力嘅演员，试试可否四两拨千斤，结果市场系接受。
小男人一心逗老婆欢喜，殊不知就令她在众人面前出丑。
唔系《家有囍事》程大嫂吴君如剧照，呢个系《2012我爱HK喜上加囍》毛舜筠。
结尾一定冰释前嫌大团圆，贺岁片嘛！
，两人都是可爱的人
，毛姐同志伟一起的访谈就特别搞笑
