RT：
电影“海上花”的剧情简介
中国个宗法社会，爱情从来是弗来事张扬个。男人家到妓院里向去寻渠笃个爱情，只有勒妓院该个边缘角落头里还有一眼眼机会。勒拉该搭，男人顺从个是女人个规矩。19世纪末，上海英租界个长三书寓，日日宴歌。归个辰光个高等妓院叫长三书寓。该个夜头又是宾客盈门，觥筹交错。东道主叫周双珠，是一个克气、大气个青楼女子，同时也是公阳里老鸨个嫡亲囡儿。齐巧勒众宾客勒浪乎哇狼形个辰光，勒拉搭洋人打交道个衙门里向上班个文官王莲生却首先离席告退。渠是去赴另一妓女张惠贞之约。该桩事体弄得妓女沈小红交关火冒。小红勒荟芳里挂头牌，但渠性格刚烈，为人直爽，少有清客敢去翻渠个牌子。莲生是独独搭渠日长来去个人。次日清清空朝小红寻上大门，勒众目睽睽下底对惠贞大打出手。实际浪莲生所为事出有因。渠觉着小红同时还搭一个年轻戏子柳儿相好，外加登小红个态度浪觉着仔一眼冷淡……