【新闻】师奶终极暗战　今晚分胜负！【师奶兵团吧】

邓萃雯、商天娥和叶童主演的《师奶兵团》，将於今晚 9 时播映个半小时大结局，为谷收视，雯女、娥姐、叶童联同剧中雄性师奶姜大伟，特於日前在黄埔博艺会进行一场师奶入樽牙骱战。几位师奶埋身肉搏，有如 NBA 球星上身般射篮入樽，结果满以为能够以一敌三的姜大侠被打到仆地，娥姐因为运动细胞不足而捧蛋，独剩被传不和的雯女和叶童打成平手，难分高下。
牙骱战当日，同场加映一场师奶「暗战」，叶童继不满戏份比雯女少之後，再大爆曾被娥姐说话寸爆而感不满；雯女则一度以为监制对叶童有特别优待 … … 一场师奶风暴，一触即发。　撰文：戴彩焕、蓝文浩

雯女：以为叶童获优待
叶童埋怨自己在《师奶兵团》中的戏份比邓萃雯少，原来雯女也一度以为监制对叶童有优待，雯女说：「有报道话叶童接呢部剧，讲明开工开到夜晚 11 点，等我哋以为做乜对佢特别优待，但原来啲人搞错晒，系就系童，不过唔系叶童，系童星啫！」
所谓「三个女人一个墟」，雯女谓与叶童和商天娥合作得相当愉快，在剧集开拍之前，她还主动约叶童和娥姐食饭联谊，雯女说：「大家都系成熟嘅人，亦系唔同性格嘅师奶，大家都希望有好嘢可以出到嚟，所以开拍之前，我主动约齐剧中三对夫妇加埋 John 哥（姜大伟）同监制食饭，倾吓点样可以做好啲，之後五个男人走晒，我哋三个师奶仲一齐去饮嘢倾偈 o忝，其实女人拍嘢都唔一定有是非嘅！」

拍到肌肉痉挛
虽然雯女表示今次拍剧没有是非，但她却大呻为拍《师》剧导致五劳七伤，她说：「有场戏系讲打紧风，我喺度搵仔女，咁本身系冇风吖嘛，我咪要揸住把遮拗晒腰咁，扮俾大风吹罗，之後我又要抱住芳芳（剧中女儿）走，结果搞到条腰肌肉痉挛，痛到唔郁得，要做物理治疗，使咗成万几蚊，最惨系冇时间休息，就算做物理治疗，都系用食晏昼饭嗰段时间咋！」
《师奶兵团》有口碑有收视，惟独光芒却被同期播出的重头剧《溏心风暴》抢去不少，对此雯女说：「其实冇得比较，《溏心》播咗 20 几集我哋先播，收视应该系高层同监制去担心，我最紧张反而系观众对我呢个师奶嘅口碑。」无线有意开拍《师奶》续集，雯女忽发奇想建议无线大可拍摄《师奶也疯狂》，她说：「今次可以掉转系女人出外面做嘢，男人失业，好似娥姐之前做访问所讲咁，师奶变晒又靓又索，男人喺屋企凑小朋友，总之就系要冲出屋邨。」

叶童：觉得娥姐寸罗

叶童继不满《师奶兵团》戏份比邓萃雯少，以及接演的希拉莉角色不讨好之後，日前她接受专访时，又大爆为剧集埋尾当天被监制林志华玩残，叶童说：「拍 ending 嗰日，我已经一早开 6 点钟外景，之後返厂开工，个个收晒工，系得我一个拍到第二朝早 10 点，几乎踩足 30 个钟，我心谂，唔通佢哋临尾继续『虾』我？又或者系因为我成日闹监制，佢临尾向我报复？」

「怕窒亲佢」
问到对剧中两位拍档邓萃雯和商天娥的印象时，叶童不讳言首日开工便被商天娥寸爆，她说：「第一日开工，见佢着咗件粉红色 T 恤，自己咪唔拣嗰只色，拣过第二件开工，後来见佢换咗第二件衫，我就问佢：『乜你着呢件呀？』点知娥姐即刻好 cool 咁话：『我着呢件有乜问题？』听到佢咁讲，我真系有少少觉得佢寸罗，之後我讲嘢都好小心翼翼，怕唔觉意又窒亲佢，後来拍落先至知道佢份人讲嘢系咁直，好不拘小节！」
叶童续说：「娥姐平日攞住锁匙银包就开工，好简单，差啲未着对拖鞋返嚟，但雯女就完全相反，佢其实可以唔使咁辛苦，但偏偏佢就成日做到好辛苦咁，可能佢投入咗落去个角色度，对自己要求好高啦！」尽管有传叶童与雯女及娥姐不和，又被指为人冷酷，叶童也是一笑置之说：「初初大家都唔识，唔通仲要扮到懒热情咁咩！不过，点都有人讲 o架啦，总之我今次同佢哋合作愉快！」

唔呷老公醋
《师》剧中，叶童经常怀疑丈夫到处拈花惹草，现实生活中，她的丈夫陈国熹也不时传出绯闻，叶童不讳言会为传言感到不开心，她说：「因为太突然，失惊无神传呢啲新闻，对自己心情梗系有影响，会有少少唔开心，但自己一定信老公，我觉得有时一男一女拖吓手，都唔代表乜嘢啫！如果吓吓要控制住对方、 check 住对方，又或者知道对方唔信任自己，你都会好嬲 o架啦！」

娥姐：雯女系紧张大师

商天娥跟《师奶兵团》中饰演的曹美娥，其实有点相似，大家性格都是直肠直肚，讲说话有点硬绷绷，难怪首次跟她合作的叶童，一度误以为娥姐是个说话颇寸的人，对此娥姐显得有点愕然：「系咩？我份人好简单、透明度好高，可能有时懒鬼马、懒幽默，讲嘅说话令人打个突、令人产生误会啦！」

好演员情绪化
在娥姐心目中，叶童是个十分认真和成熟的演员，对於有指叶童演技浮夸，娥姐说：「我唔会理会人哋点，对我嚟讲，总之大家守时，交足功课就得 o架啦！」那麼，叶童是否一如其外表般冷傲？娥姐说：「 cool 唔 cool 我唔评论，但私下庆功佢都好玩得，总之工作时工作，记得当年我同发哥（周润发）做舞台剧嘅时候，佢都话过一个好演员一定情绪化，如果唔系佢都做唔到咁多情绪起伏嘅变化。」
至於剧中另一好姊妹邓萃雯，娥姐直指雯女是紧张大师，她说：「雯女同剧入面个角色有一半相似，都系好紧张好认真，同佢合作，令我觉得佢系一个紧张大师，当然佢出发点都系为件事好啦！自己份人比较『滋油』，锺意有新鲜感，好似排戏咁，唔锺意排咁多次，因为排得多就会变得纯熟咗，我比较锺意突然间有啲火花弹出嚟，咁个个人做法唔同，好似我唔会用记事簿写低自己嚟紧嘅工作，我只会用个脑去记，可能自己冇咁忙，冇咁多嘢去记啦！」

叹太少友情戏
娥姐认为，今次《师》剧描述三个师奶互诉心声的戏份似乎较少，若能够多一点三个女人的友情戏，效果将会更佳、更能引起共鸣，期望下次开拍续集时，监制能够加多一点点吧！

姜大伟：雯女执着、叶童另类、娥姐率真

在《师奶兵团》中，姜大伟饰演的「师奶」高永权，一度介入邓萃雯和谢天华的婚姻之中，而现实生活中，一直被视为好老公的姜大伟，早年与周嘉玲拍摄《再见亦是老婆》时也曾传出绯闻，甚至有指姜大伟太太李琳琳为此而由温哥华赶返港 (目及) 实老公。

斥无线炒作绯闻
提到这宗唯一一次的花边新闻，姜大伟显得有点劳气：「当时部剧攞我嚟做宣传！自己老婆一直喺度（指太太并非因为绯闻而赶返香港），我好＊ o架，我叫佢哋（指无线）宣传搵第二样，唔好攞我嚟搞，呢啲嘢写第一次、第二次到第三次，啲人就会当真吖嘛！好在我老婆都系呢行嘅人，明白发生乜嘢事，如果唔系，我有几多个老婆都离晒婚！」
今年是姜大伟与李琳琳结婚 33 周年，谈到夫妇相处之道，姜大伟认为最紧要了解对方的需要，他说：「了解对方需要乜嘢，大家做乜都有商有量，咁就唔会做一啲令对方唔锺意嘅事啦！」

「缺点亦系优点」
问姜大伟对邓萃雯、商天娥和叶童这三位师奶拍档感觉如何，他说：「雯女太执着，每一样嘢都要清清楚楚，好似连饮啖水都要知点解，呢个系佢缺点，亦都系佢优点，每一件事佢都好认真去做，无非系为咗部剧好啫。叶童呢，佢明明系师奶，但就唔肯认自己系师奶！佢俾人话演技浮夸，我觉得冇所谓，有啲人做戏捉唔到个 point ，做到过咗界，但叶童冇过界，佢属於另类师奶，我觉得佢好专业。至於娥姐，佢一向大癫大肺，系性情中人，呢几个师奶做戏绝对冇问题，佢哋完全捉到角色重点。」

日	一	二	三	四	五	六

【新闻】师 奶 终 极 暗 战 今 晚 分 胜 负 ！

扫二维码下载贴吧客户端

【新闻】师奶终极暗战　今晚分胜负！