大家睇惯咗王祖蓝扮女人，仲有好多恶顶嘅扮相，以为佢都系靠「重口味」去冧观众，不过查实祖蓝13年前，即2000年时，个样都睇得下o架....不过入咗无线之后，身高同背景都输蚀俾人，唯有扮鬼扮马杀出血路啦。
今日网民又掘到啲「出土文物」，就系王祖蓝2000年拍教育电视时嘅片段，嗰阵祖蓝20岁，唔知点解睇落个鼻冇而家咁大，成块面又firm啲，扮起俾女学生暗恋嘅对象，都有说服力嘅，同场仲有当年得15岁，Hotcha嘅Crystal(张纹嘉)，当年佢块面好包包，不过个样算冇咩点变。
而当年嘅教育电视，当然好纯情啦，唔系讲婚前性行为，系连第一次锡锡都要问番学生问题，好似片段入面接吻代表咩，如果你系猫猫(即系Crystal)畀男友要求接吻又会点做，相信当年好多学生都系答标准答案o架啦!不过网民最留意，都系祖蓝嘅身高!话佢冇高过!祖蓝都廿岁啦!当年要高都高晒啦啩?
真系好靓仔~~~
