入宫之后跟着姑姑学习各种礼仪同埋梳妆打扮嘅技巧，半年之后先分配我地到各宫服侍主子，而我就被分到咗景仁宫，虽然入宫已经半年，但是今次系头一次侍奉正经主子，个心不是不惊慌嘅，同我一起被分到景仁宫嘅仲有一个小太监，叫李莲英，听讲佢已经十五岁咗，但是点睇都不似，佢生得好瘦小，似我细佬就多滴，我真系估不到佢有一日会长得高过我，我更加冇惗过佢会成为我哩一世最重要嘅男人。

我仲记得嗰晚系我哋第一次侍候婉嫔娘娘用晚膳，我小心翼翼嘅攞住嗰樽木瓜炖雪蛤，行在送膳队伍嘅最尾，唔知几时行在我前面的李莲英竟然同我并排而行，佢细细声问我：“紧张咧？唔使惊噶，听讲婉嫔娘娘份人好好，从来都冇打骂过奴才，如果你仲系惊嘅，就企我隔离，我会照应你噶。”入宫以来我一路都谨慎做人，做嘢都用心仔细，以至于挑剔嘅姑姑都对我刮目相看，一起相处的姊妹亦都非常融洽，但是分入景仁宫，一切都系陌生嘅，哩嗰时候突然有嗰小太监同我话佢会睇住我，我一时间有滴楞，但是好快就驳佢，“边个要你照应啫？伺候用膳的礼仪我已经滚瓜烂熟，你都系睇住自己好过啦”，但是我知，我发自内心嘅笑容早已经出卖咗口不对心嘅我。从嗰日之后，佢真系时常照应我噶，所有粗重嘢佢都会帮我嘅手，真系睇不出，佢个头唔大，力气倒是唔小。其实佢又不是任何时候都咁识得照顾人，就好比嗰次姑姑带我送一盘雪梨畀主子，点知佢居然偷偷跟住我哋，仲推咗我一把添，我嬲到即刻大声骂佢大乌龟，佢却跑得比兔子仲快，累得我被姑姑罚，结果第二日佢又捉咗一只乌龟来氹我，睇住佢用乌龟挡住块面，慢慢慢慢同我讲对不住个样，真系唔笑都不得。

日子就咁一日一日，好快就过去咗，主子虽然不系几得宠，但是佢真系好好人，而我哋景仁宫哩一班奴才亦都好似一家人咁，虽然冇长春宫嘅懿贵妃娘娘嘅宫人风光无限，不过景仁宫心，其利断金，我哋嘅快乐，是宫中其他人体会不到嘅。生活不会永远都风平浪静，彭三顺嘅出现就系一个好好嘅例子。彭三顺是大总管福爷嘅外甥，听讲系因为家中嘅酒楼起火，父母亲都葬身火海，佢先至会净身入宫，跟随佢舅父，其实佢嘅身世都几值得同情嘅，小小年纪就冇咗父母，但是佢嗰人就真是好得人憎！佢入宫两年就已经成为敬事房嘅九品太监，虽然是最小嘅品位，但是福爷系佢舅父哦，边个够胆不畀面佢啫，阿虎、阿才就成日跟住佢狐假虎威，四围捞油水。宫女在闲暇嘅时候做滴绣品托人拿出宫卖帮补家计系好平常嘅事，但是哩个彭三顺，就好似同我哋景仁宫有仇咁，居然话我嘅绣品有问题，带我到敬事房问话，莲英不放心我，就同我一起到咗敬事房。

“点嘛？我嘅绣品边都有问题啫？”
彭三顺敲着二郎腿，饮咗一啖茶，先至慢慢话“宫女自己嘅绣品，都系用嘅宫内最低等嘅绣线，但是你用嘅绣线却是嫔妃先可以使用嘅，讲！系唔系是你偷嘢？！”
“你讲乜嘢啊？！哩滴绣线都是我主子婉嫔娘娘念我帮补家计辛苦，先赐畀我噶！”
“哈哈哈！讲乜笑哇，你主子会将咁矜贵嘅绣线赐畀你哩滴奴才，笑死人啦！”
“点不会啊？！我哋主子对奴才好不得咩？你不信嘅，就去拜见我家主子当面对质咯？！”
“有咩不敢呐？我难道会怕你？我系刀切剑斩、雷劈火烧，都会浴火重生，打不死嘅火凤凰，彭三顺！”
哩个时候莲英突然走出来对彭三顺话：“三顺爷，你大人有大量，就原谅倩蓉哩一回啦。”
“老乌龟你讲乜啊？滴绣线明明就系主子赐畀我嗰，点解要求佢原谅我啫？”
莲英却将我拉埋一边，“倩蓉啊，小阿哥啱啱夭折，主子成日以泪洗面，痛不欲生，我哋不可以哩个时候再用哩滴琐事打搅佢噶……”
“我……我都唔想噶，哩个彭三顺就系知道主子身体不适，专门选哩个时候来找麻烦！”
“你知就好啦，你企埋一边先，唔好再同佢起争执。”
说完莲英又笑着同彭三顺讲，“三顺爷，大人不计小人过，莲英代倩蓉向三顺爷你赔不是，求你放佢一马。”
“佢而家系犯咗宫规哦，放佢一马，岂不是要我徇私？！”
“不会不会，三顺爷公正廉明，点会徇私咧？但是倩蓉佢一届弱质女流，挨不住打板子嘅，请三顺爷从轻发落。”
“佢系弱质女流，但是大把人唔系弱质女流啵，不如咁啦，如果有人愿意去打扫处背一筐瓦片返敬事房，再来回跑五次，我就考虑算了。”
“好，我李莲英甘愿受罚，相信三顺爷牙齿当金使，说话算话。”
“那那那，你哋都听到了，系李莲英自愿噶，我冇逼任何人。阿虎、阿才，你哋两个去打扫处，我留在敬事房，睇住李莲英背住一筐瓦片跑五个来回！”

沙发了亲爱的好棒！

四月好厉害~第一篇原创文~加精加精~四月加油啊~

亲爱的四月好棒！