『☆Team_FALA♪140121新闻』与张智霖拍MV陈法拉借位掴对方

ONCC:
陈法拉下昼喺太古出席手一个手机品牌活动，虽然佢已经甩拖一段时间，不过法拉就讲到明话送个男人比佢都唔要住，专心做嘢先喎。
法拉今日一身红卜卜出现，大会送咗部镶满水晶嘅手机比佢，佢就话当做情人节礼物，之后访问嗰阵就话冇乜特别嘢想要。
啱啱同Cool魔张智霖拍完MV嘅佢又话，当日要出手掴对方，虽然系借位拍唔使真打，又笑住爆话手指揩到Cool魔块面，对方已经0依华鬼叫喇，仲话两个要齐跳十字步添。

陈法拉兜巴星张智霖靓靓监场
【on.cc东网专讯】艺人陈法拉出席手机活动，笑言这是第一个收到的情人节礼物，自己又很喜欢闪令令的东西，其实以前都有试过亲手黐水晶，但很快就脱落，问到可希望再收到其他情人节礼物？法拉却甚为抗拒：「我当收咗首饰啦，无咩特别，（花呢？）唔会啩，好老实无咩特别，（送个男人？）唔好，唔系啊，工作为先啦。」法拉透露稍后会返内地拍戏，不过中途会回美国两星期与家人度岁，由於时间太短不会上任何课程，或迟一点，自己会继续增值。
另外，提到她有份拍摄张智霖新MV《你是如此难以忘记》，当中还大掴对方，法拉笑说：「我初初排舞都唔知点解要掴佢，所以Chilam就加作状要锡我，我咪掴佢罗，好似返去拍《冲上云霄II》时佢嗰个风流倜傥、贱贱格格嘅感觉，当然都系好靓好型啦！」法拉透露袁咏仪、魔童也在场，大家玩得很开心，问到掴Chilam是否很用力？法拉即大爆仅是借位：「掂到佢少少佢都哗鬼叫啦，仲细力过拍戏，佢闪得快过我打啊。」