■甄妮曾公开批评G.E.M.冇礼貌，见面时曾一度面左左。资料图片
入行五年，惹火G.E.M.在是非丛中茁壮成长，身经百战后的今日要面对因《我是歌手2》窜红后的是是非非，她处之泰然，说：「我一路喺香港有好多training，我已经学识咗点样去处理，以前我第一次遇到呢啲嘢嘅时候，系急唔切一定要去解释，第一次系话我闹千嬅，话我话千嬅唱歌走音呀！我系惊到爆，我心谂，黐线㗎！我不知几钟意杨千嬅，跟住我系要走去同千嬅讲我冇呀！我喺网上面打咗一篇劲长嘅嘢去澄清，后尾千嬅都冇嘢，仲有甄妮姐姐、商台、又有梁振英单嘢。」
G.E.M.续说：「我经历好多单嘢，一路慢慢学习，最近啲人话我《我是歌手2》嗌停重唱唔公平，如果我唔嗌停先系唔公平，呢啲俾人无理咁去讲同攻击，我已经学识咗，一句嘢都唔使同自己辩护，你急住去澄清，你会挑起更加多骂战，同埋会影响自己心情，做唔到你应该要做嘅嘢，你可能嗰啲时间应该花喺下一个表演上面，你攞嚟担心一啲控制唔到嘅嘢，可能越描越黑，同越辩越明，你冇办法预计，但系其实嗰样嘢唔系你൱家要focus嘅嘢。」以上的一番话，出自一个90后的口，G.E.M真估你不到！
