无。看图。

乜 应该算是谐音?

明代嘉靖 荔镜记
是乜道理？骂婆仔乜事？
(原来明代就有槟榔)
第十四出　　责媒退聘
（丑） 手捧槟榔入后厅，听见哑娘叹气声。闲言野语相怪及，那卜有情也无情。请哑娘食槟榔。
（旦上介丑） 哑娘，万福。
（旦） 无人通提椅乞你坐。阮昨暮日使益春来共你说，你即故意力礼聘送来，是乜道理？
（丑） 前日使益春来共婆仔说，婆仔袂记得除，今事志都成了，请哑娘食一嘴（口）槟榔。
（旦切介丑白） 请哑娘食槟榔，向切乜事？
【德胜令 】
（旦） 障般虔婆，可见无道理。
（丑） 婆仔共哑娘做（佐）媒人，也是好事，骂婆仔乜事？
（旦） 骂乞你去共林大现。
（丑） 林大官伊也是有钱的人（有钱个人）。
（旦） 任伊有钱，我不愿嫁乞伊。
（丑） 哑娘，嫁不嫁觅一边，力只番罗收起。
（旦） 番罗紧紧送去度伊。
（丑） 哑娘，既（见）不收伊人番罗，只样好金钗收一双戴（带）。
（旦） 值人收只金钗，发狂病（王病）。
（旦介丑） 我苦，天日，障般好钗甲人去屯除！
（丑） 林厝官人生得乜亲浅。
（旦） 你目睛盲（青冥）。
（丑） 我目真真。
（丑） 我今劝你嫁乞伊。
（旦） 你向爱，力恁孜娘仔嫁乞伊。
（丑） 哑娘，伊句嫌阮村人。
（旦） 村人不通做（佐）人，都不通卖乞伊做（佐）奴。
（丑） 闲言野语莫来相欺。
（旦） 你做只亲情，罪过（告）平天。
（丑） 伊人富贵，谁人值（踏）伊？
（旦） 富贵由天。
（丑） 富贵由天，姻缘由天。
（旦） 姻缘由己。
（丑） 姻缘都是五百年前注定。
（旦） 句敢来我面前说三四。
（丑） 我今劝你莫骂卜平宜。
（旦） 那骂你欢喜，打你只敢也。
（丑） 许也未成，冥旦共林大爹许销金帐内，即忆著婆仔。
（旦打介丑白） 我父，嘴血打流了。
（旦打介丑白） 谁人知你障狗诈，障好亲情不中你，了无人敢现。
（旦） 待我无人敢现，整使你讨饭饲我？
（丑） 那畏你了。老人说孜娘仔十八（入）客，不嫁放石压。
（旦） 叵耐只虔婆，可见无道理。
（丑） 婆仔共哑娘做（佐）媒人，无乜无道理。
（旦） 激（吉）得我心头火发起。
（丑） 火发起莫得烧著婆仔。
（旦） 你障般怯嘴（口），霎久定讨死。
（丑） 哑娘，我今旦也是好意，准不准何故打骂婆仔。
（旦） 只说也是。李婆，今即是我骂你几（巳）句，不著也准是阮后生人吃饭句未，莫得著切我和你。
（丑笑介） 风台（台）过了，今即回（会）南。
（旦） 将只聘礼就送转去。
（丑） 许哑娘许处坐，待婆仔就送转去。
（旦） 你送去，我惜惜你。
（丑介） 小七哑！
（旦） 你叫小七乜事，我甲你送林厝去。
（丑） 乜哑，甲婆仔送林厝去，许婆仔不敢送去，婆仔食伊人若物了，做乜好送转去！
（旦） 你那送转去，我畏无物通乞你食？
（丑） 许食物都是无打紧，又收伊一双赤赤金钗了。
（旦） 你力只礼聘送转去还伊人，我打一双金钗句可重伊人的（个）乞你。
（丑） 哑娘，人叫礼聘不通送来送去，头上仔爱袂（不）饲得。
（旦打介丑介白） 我死人，那不送去，非（井）打人送转去。
（旦） 人那不嫁乞伊，井硬甲人嫁乞伊。
【四边静 】
（丑上） 劝你莫得障拗性，忤逆父母无孝义。
（旦）（介打） 死虔婆！你怯嘴毒舌（怯口毒舌），霎久定讨死。
（丑） 金珠成大斗，都无媒人也袂走。
（旦） 任你嘴（口）说莲花，我也不听些儿。我心那不愿，话说你卜记。
（丑） 你厝爹妈收了人聘定。
（旦） 聘定值时？不在只处。
（丑） 任你千推万托也著成。
（旦） 死虔婆！你嘴说卜赢（营），每日早早阮厝来行。
（丑） 三日即行一返。
（旦） 三日即行一返？
（旦） 动得我厝犬吠无声。金钗不送转，打死你是定。
（旦） 小七哑！
（丑） 哑公哑！
（旦） 你叫哑公乜事？
（丑） 你叫小七打我，我叫哑公来同我。
（旦） 乞你叫哑公同你。
（丑） 未成打死人。
（旦） 小七哑，死虔婆无理，共（在）我打一顿。
（净上） 哑娘，伊共哑娘做媒人，也是好事，打伊做乜？
（旦打丑介） 打一顿乞伊。
（净） 呵，甲伊共我做媒人，伊卜做一个（个）九十三岁的个度我。
（丑） 睛盲头（青冥头），你试打我看。
（旦） 打你，你告我不孝。
（旦介净白） 哑娘，力倒还我打。
（旦丑打介）（外喝旦下）（丑） 哑公，喝甲我打。
（外） 哑，小七禽兽仔无理。
（净下）（外） 媒姨请起。
（丑）（哭介）
【浆水令 】
五娘仔力我打得障损，将只礼聘甲我送转。力我头髻采落（采洛）就土下顿。采得（采得）我老人头都眩睧。有乜事都是九郎。
（外） 媒姨，你听我再三相劝，只是我仔所见未长。
（外） 媒姨，
（外） 且力头髻修理（收理）待光。
（丑） 将只礼聘送转还伊。
（外） 只礼聘收卜落当。
（丑） 只槟榔都送去还伊。
（外） 只槟榔★(左人右再)通送返。
（丑） 乞五娘打，我不切，乞许小七睛盲头（青冥头）打一顿。
（外） 打你罪过（告）都是我当。不肖仔，不肖仔，将无可瞈。
（丑） 伊人有仔现畏无媳妇。只金钗送去还伊也罢。
（外） 小七过来。
（净上捧介）（外唱） 将只金钗收入去藏。
（丑白） 睛盲头（青冥头）。
（净捧介） 哑娘，许内大块柴对目睭＜周＞一独都出火，哑公喝乞伊入去。
（外） 谁在许处？
（净） 谁在许处？（介）我射入去想，既（见）送来不通送转。
（丑） 害婆仔乞伊打一顿，那障煞除（杀除），也著叫出来教导（交道）一顿和婆仔。
（外） 我自然叫出来教导（交道）伊。媒姨，请入内食些儿茶饭。
（丑） 婆仔乞人打了，乜面通入去食饭。婆仔那障去。男女婚姻爱落场，恶言恶语来相伤。关门莫管窗外月，分付梅花自主张。
（外） 媒姨，返去亲姆面前，怯话千万莫得说。
（丑） 哑公不须叮嘱，婆仔晓得。
（下）（外） 益春，力小七疋耳仔钱出来。
（贴） 小七，哑公叫。
（净） 哀哀，哑公（共）哑公，说叫我屎肚痛。
（贴） 睛盲头（青冥头），哑公叫乜屎肚痛？
（净） 哑公叫，屎肚越即卜痛。
（笑介） 杂种＜十种＞乌龟，我知了，哑娘今即甲我打媒姨，叫去是卜打我定了。
（贴） 好定是甲我疋耳仔钱出去。
（净） 杂种＜十种＞，你钱我痛，我卜共哑娘说打你。
（贴） 你乞我轻轻钱做样；不，哑公了打我。
（净） 乖乖。
（贴钱净介） 杂种＜十种＞，你钱我痛，我赦你。
（贴） 你赦我乜事？
（净） 叫人灶口＜★(上穴下龟口)＞困＜困＞，来拖人。
（贴） 睛盲头（青冥头）也呾＜店＞。
（贴下外白） 小七桌（掉）畸起。
（净白） 畸桌是卜点心。
（外） 益春，竹杯（杯）举（★(举)）过来。
（贴介）（外白） 小七跪只处。
（净） 呵，哑公莫急（吉）爱易老。
（外） 小七，畜生跪许处。
（净） 那立。
（外吼净跪） 畜生，今旦林厝送聘是好日子，你力媒姨打是乜道理？
（净） 哑公，小七不曾打伊，那是哑娘甲我力头毛落，踢伊几下，无打。
（外） 畜生，踢伊倒许处，夭句无打！
（净） 哑公，莫打，打人痛痛。
（外） 禽兽，你后句敢不？
（净） 我后夭敢！
（外打） 畜生，起去，打恁打柴头一般。
（净下外白） 叫哑妈出来。
（丑） 忤逆仔儿添烦恼。激（结）得我心头火著。
（丑） 来哑，老的（个）。
（丑） 今旦日好事好志，你只外头打简打儿。
（外） 你生得好仔，今旦林厝来下定，你仔使小七力媒姨打一顿，也不存著大人面皮，是乜道理？后去做★(左人右再)（佐★(左人右再)）共人说话？
（丑） 老的个，好怯都是你做（佐）的（个），共我说乜事？
（外） 都是你只死虔婆承（乘）除仔儿，即会逞性。
（丑） 你做（佐）人父教训仔儿，干我乜事？
（外） 死虔婆，你夭呾。
（外） 论仔儿须识礼义，治家法各爱尊卑。为人母合当教示，无家法都是老虔。
（丑） 五娘切必有跷蹊（嶢崎），嫌仔婿生得怯视（世）。
（外） 伊门不出、户不入，做乜识伊？
（丑） 因看灯，亲目看见，你做事不中仔意。
（外） 我做其事★(左人右再)年都不中仔意？随恁母仔去做。
（丑） 老的（个），我共你食七老八大，即（那）有一仔。古人说得好：嫁女必胜吾家，娶（取）妇必弱（辱）吾家。也著仔婿出人前。
（外） 伊厝世代富家，有钱。
（丑） 你向爱钱，甲恁查某仔（ㄙ）去卖乞人。我那卜仔婿聪俊读书，不爱不肖。有钱不肖的（个）赌钱浪荡，富贵岂可常保？仔是我生的，卜嫁著随我。
（外） 今亲情已（以）自成了。
（丑） 老的（个），亲情是你做的（佐个），随你去讨一查某仔（查ㄙ仔）还人。
（外） 恁母子爻，随你去做。
（外下） 为人不知礼义，譬如牛马襟裾（居）。
（丑） 譬老倒抬，仔婿不中我意，林大枉屈寻思。
（叫介） 益春，叫恁哑娘出来。

可乐兄也开始沓沓写母语文，着赞一声。

有，我拍【甚物】