离开得合时？林峯赞TVB好：点都未裁到我
09月14日(日) 15:42
【on.cc东网专讯】 林峯、陈敏之和梁烈唯（唯唯）等在油塘出席无线剧集《使徒行者》的宣传活动，在游戏环节中唯唯更代替缺席的佘诗曼，与林峯配成一对，更抄对方向吴千语的爱的宣言，向阿峯连讲七次「好爱BB」，令阿峯哭笑不得。
唔心急结婚
问到林峯有传他和吴千语（BB）结伴去马来西亚出席友人婚礼时，学一对新人「脷搭脷」？他就否认说：「我记得冇喎，我哋喺戥朋友高兴啫，新人系我哋两个嘅共同朋友。（预演婚礼？）唔喺，我哋第一次去婚礼，同埋报道话我哋去咗好多地方，其实我系即刻返香港，因为有其他工作。」他又说暂无结婚的冲动，只是为新人感开心，暂时未是时候，因为要努力工作。问到他会否闪婚？他就说：「唔会，我会从长计议。（唔心急？）依家都系事业紧要啲。」
工作方面，他表示要开始安排后半年的工作，又指将会在近数个月有新公司安排的消息：「都倾咗六七成，倾紧细节位。（大陆公司？）唔系，系香港公司，始终我系香港艺人，同香港团队沟通会易啲，虽然好多工作都会系大陆作品。」他又指将来会以拍电影和音乐为主。
赞TVB对自己好好
问到阿峯前东家无线有传会大裁员，会否觉得离开得十分合时？他就说：「唔会啦，就算点都唔会裁到我挂，我喺TVB咁耐，都对我好好。（点睇件事？）每间公司都有唔同政策，我做演员就一向唔理，最紧要做好自己工作。（担心旧同事？）我识嘅旧同事好多都做够10年以上，好有资历，所以唔担心，因为唔易取代。」他又说一向不知前东家的内部事务和人事调动。