坐咧等。

即种用云霄话叫做芋te，我毋知彼字te用正字欲怎写。
做法真简单，用面粉泡水，搁将芋仔切作片，泡目nih仔（一会儿），再放入油炸。
真好料，有芋仔芳，又有油芳。
不过食济会虚火，上好配饮料抑者啤酒，无惊有兮侬咙喉细吞袂落去。

虾te

肉卷，漳州其他地区好亲像叫做五香。
外表是豆腐皮，内底是面粉搅猪肉、五香、菜头签（萝卜丝）滥作伙。
油炸兮物件毋通食济，但是即种我一摆无食甲够额著会真袂过瘾。
真想欲食

熏肉，好亲像逐个所在拢有，做法真简单，提一个大鼎，内底底层放白糖，然后顶层放猪肉，搁叩（盖）起来，伫炉火顶烧。
熏肉佮肉干有淡薄亲像，不过熏肉食起来较甜。
（其实单看图片楼主分袂出是肉干野是熏肉）

云霄话叫做烟肠
是番薯粉滥猪肉，注入猪肠内底，然后用滚水趿（sannh煮）予熟

第一种云霄话叫做水晶粿，内底包兮馅有菜头，猪肉，虾米等等
第二种叫做米梭，馅佮水晶粿差无济，是伊兮“增大版”。
即两种拢类似于别个所在所讲兮“金包银”

煎饺，也就是水饺小可用水烫一下，然后伫图片中兮即种平底兮鼎煎，等到水饺皮仔有一点变赤，就可以托起来食咯。楼主经常下昏时十一二点揣无物通食，就出去买煎饺做点心。

烧窑，云霄话叫做叩（盖住的意思，闽南语正字毋知对毋对）窑仔，所以烧窑鸡就叫做叩鸡仔。
食起来真香，又袂感觉油，鸡肉真软。

云霄话叫做“油枣仔”
番薯粉加面粉，参淡薄水，搓做圆仔，然后去浮（油炸）
楼主真济年无食咯

云霄水面
云霄水面有两种，一种是干面一种是澹（湿）面
干面是面用水趿（烫）一下，然后滥油葱，鸡汁，再配一碗肉丸扁食青菜汤。
澹面就是直接将面参伫肉丸扁食汤内底，加上油葱。
以前云霄农村兮来城关斗圩，真时行食水面，目睭一瞬二十年过去咯。

菜头粿，煎出来非常芳，揾台湾bb抑者醋真好食，赞兮

卵（蛋）肠
过年过节阮姨仔有闲著会做卵肠拜公，内底包兮全部是鸡卵，卵清佮卵仁搅予散，再注入羊肠内底，用滚水趿。
食起来真清甜，有鸡卵芳。