大台鬧小生花旦荒，所以就要搵黎「外援」求亡，而其中一個最令人期待嘅相信就係非羅嘉良撈家莫屬啦。其實對上一次撈家喺大台拍劇已經係6年前同袁靚靚合作嘅《富貴門》啦，今次為咗撈家有新驚喜，專登物色令佢驚喜嘅女主角同佢合演《與諜同謀》，而有消息傳出，女主角終於落實咗啦，就係「是非精」（學是學非）之一嘅李佳芯(Ali)。
其實本身女主角就係楊怡嘅，但阿怡因為同大台嘅合約就滿，去留都未定，所以佢就主動推咗套劇，阿怡都覺得好可惜，但係無計啦。而呢個機會就落咗畀最近榮升女一嘅 Ali啦，有網友就話覺得Ali都仲算新人，未夠班配撈家喎。其實佢最近都part住方中信同廖啟智拍緊《律政強人》做女一，做《學是學非》嘅表現都令大家深入民心，Ali話拍劇只要最好自己，就唔會有壓力，所以都相信佢handle到嘅。
而撈家都表示，同新人拍無咩問題，因為自己都做過新人，以前同阿佘、杏兒做新人果陣都同佢合作過，所以佢都無咩所謂，因為應該會有火花。
連撈家都大派定心丸，咁Ali可以放心啦！