陈炜吧 关注：2,102贴子：30,051
- 9回复贴，共1页
2012年
陈炜过档无线，与好姊妹又做同事。
江：我由93年至97年都不停拍广告，我嗰期有欧阳妙芝、陈豪……嗰时你睇电视讲得出嘅广告都有我份，洗头水、衞生巾、日用品等等，不过我杀一轮就收山，入咗亚视拍剧，同郑则士（Ken）合作《肥猫正传》，一拍就拍咗两套。
两女在访问中天南地北都可以讲一餐。
炜：啱啱拍剧有冇啲不愉快经历？
江：当时我冇乜演戏经验都「好蠢」，一旧云咁，成日NG，畀Ken哥闹到抽筋，我嬲到喊，镜头后要心理辅导。
炜：哗！咁惨？
江：跟住Ken哥其实学到好多嘢，令我知道要对角色了解，好似《肥》剧入面我饰演社工，见尽唔少人离世，但我唔了解，演戏时系咁喊，Ken哥就话我知，其实我个社工角色一向见尽惨事，冇理由喊到咁！
炜：系呀！我都同Ken哥合作过，佢闹我哋即系教我哋啫！
江：之后喺亚视一轮都冇戏拍，人好Down戾气好重，之后我去咗做电台。
炜：我记得，你都做咗2、3年时间。
江：嗰时你就好幸福，识咗男朋友（即现任老公），而我就喺感情谷底。不过，你都帮我好多！
炜：傻啦，乜你咁客气o架！
