【夏逝秋生】【我主場】秋生甄詠蓓嚴師激將法

蔡思貝又如何？秋生說：「佢本身材料好，有啲嘢未發掘出嚟，要下啲苦功。」他擔心沒人對蔡思貝要求就難助她成大器。眾學生當中，以林嘉欣最勤力，Olivia說：「佢認真用功，好沉醉演戲。即使有經驗，又係影后，但得閒仲會不停進修。」

Olivia指秋生每次完成兩周的課堂都筋疲力竭，臉現灰黑兼落型，他說：「我吸晒學生啲負能量，佢哋好多垃圾嘢，好多雜質，我就似用鹽水洗水晶咁樣，元氣大傷。」教戲如同心理治療，秋生希望透過氣場，提升學生人生，他說：「我鍾意教，但教得多會變hea，一年一次差唔多。」秋生所言，付出與收入似不相稱，他抵死說：「嗰啲錢夠買吓補品，買吓香薰嚟點，我每次教完課，起碼兩星期先恢復元氣。呢啲係興趣同理想，又為吓整個行業，唔會咁巴之閉話傳承，冇咁偉大，賺少少又搵吓笨，乜都有啲啦。」化妝：Jolinn Ng髮型：Jeff Wu、Phoenix Ng服裝：bauhaus（黃秋生）、The Surian（甄詠蓓）場地：演藝學院

（完）