2016.5.6 洗走文弱書生味！胡鴻鈞誓做細碼彭于晏
《東網專訊》
歌手胡鴻鈞出道以來只為劇集客串，今次就在無綫劇集《殭》中有重要角色，更晒操弗成果稍露肌肉。自言為食的他準備再操肌，希望成為「細碼彭于晏」！
文質彬彬的胡鴻鈞（Hubert）在新劇《殭》中做殭屍，要戴牙套又要套上長指甲，他表示是一個新的體驗：「我都算好啲，每次化殭屍妝都係四個鐘左右，期間去唔到廁所又食唔到嘢，因為啲指甲長到除唔到褲，個牙套戴咗又食唔到嘢！」歌手出身的他，被問被安排拍劇可會覺得心灰意冷？他說：「以前就覺得我係一個歌手，就淨係應該唱歌，但而家反而覺得，有得拍劇係多一個機會，令我更加似一個藝人！」
為爆衫操肌
談到《殭》，Hubert謂是首個有重要角色的劇集，他笑謂當時收到監製電話時，對方要他「操弗啲」！他說：「一出場個吓要爆衫，個陣啱啱要拍廣告，都操咗兩個月！」又笑指自己為食，但操肌的飲食需要克制，加上工作忙碌，故暫時放棄沒有再繼續，不過就被粉絲笑他有肚腩：「我自作自受啦！不過真係想操返，行出嚟似個藝人，唔係畀人覺得我係文弱書生，想做『細碼彭于晏』!」
唔怕傳HeHe情
出道以來經常被人將他與許廷鏗作比較，他則視對方是又敬又畏的哥哥：「雖然我哋差唔多大，但佢成熟好多，成日話我牛皮燈籠，叫我面對負面新聞嗰陣要諗有好有唔好！」他不諱言被指整容令他最不開心，而許廷鏗則叫他看開，認為「有啲嘢畀人記住總好過冇！」至於會否擔心二人傳出HeHe情？他說：「咁又唔會喎，起碼我同佢相處我唔覺得核突先啦！」
Hubert想操多啲肌肉，目標就係彭于晏。
唱歌又拍劇，Hubert覺得自己更加似一個藝人。
拍《殭》時要戴長指甲同牙套，Hubert話每次都去唔到廁所同食嘢。
努力操肌嘅原因就係想洗走文弱書生嘅形象。
Hubert自爆一停操肌就會即刻有肚腩。
經常要同許廷鏗作比較，Hubert話當對方係哥哥。
仲好多謝許廷鏗成日教佢處世道理。
Hubert最唔開心就係畀人話整容。
胡鴻鈞自認為食，要操肌有難度。
歌手出身的胡鴻鈞認為拍劇是一個機會，令他成為全能藝人。
《東網專訊》
歌手胡鴻鈞出道以來只為劇集客串，今次就在無綫劇集《殭》中有重要角色，更晒操弗成果稍露肌肉。自言為食的他準備再操肌，希望成為「細碼彭于晏」！
文質彬彬的胡鴻鈞（Hubert）在新劇《殭》中做殭屍，要戴牙套又要套上長指甲，他表示是一個新的體驗：「我都算好啲，每次化殭屍妝都係四個鐘左右，期間去唔到廁所又食唔到嘢，因為啲指甲長到除唔到褲，個牙套戴咗又食唔到嘢！」歌手出身的他，被問被安排拍劇可會覺得心灰意冷？他說：「以前就覺得我係一個歌手，就淨係應該唱歌，但而家反而覺得，有得拍劇係多一個機會，令我更加似一個藝人！」
為爆衫操肌
談到《殭》，Hubert謂是首個有重要角色的劇集，他笑謂當時收到監製電話時，對方要他「操弗啲」！他說：「一出場個吓要爆衫，個陣啱啱要拍廣告，都操咗兩個月！」又笑指自己為食，但操肌的飲食需要克制，加上工作忙碌，故暫時放棄沒有再繼續，不過就被粉絲笑他有肚腩：「我自作自受啦！不過真係想操返，行出嚟似個藝人，唔係畀人覺得我係文弱書生，想做『細碼彭于晏』!」
唔怕傳HeHe情
出道以來經常被人將他與許廷鏗作比較，他則視對方是又敬又畏的哥哥：「雖然我哋差唔多大，但佢成熟好多，成日話我牛皮燈籠，叫我面對負面新聞嗰陣要諗有好有唔好！」他不諱言被指整容令他最不開心，而許廷鏗則叫他看開，認為「有啲嘢畀人記住總好過冇！」至於會否擔心二人傳出HeHe情？他說：「咁又唔會喎，起碼我同佢相處我唔覺得核突先啦！」
Hubert想操多啲肌肉，目標就係彭于晏。
唱歌又拍劇，Hubert覺得自己更加似一個藝人。
拍《殭》時要戴長指甲同牙套，Hubert話每次都去唔到廁所同食嘢。
努力操肌嘅原因就係想洗走文弱書生嘅形象。
Hubert自爆一停操肌就會即刻有肚腩。
經常要同許廷鏗作比較，Hubert話當對方係哥哥。
仲好多謝許廷鏗成日教佢處世道理。
Hubert最唔開心就係畀人話整容。
胡鴻鈞自認為食，要操肌有難度。
歌手出身的胡鴻鈞認為拍劇是一個機會，令他成為全能藝人。
