【补脑系列】他们的小故事

我只是写着玩的。角色未必符合剧里的性格哦。因为我能力有限。

「咁又係！真人版，正吖！」阿潼開心地說。
「喂話是話，之前嘉玲BB咪同邦主傳過緋聞嘅，究竟點架？」阿虹聽到嘉玲BB名字後眼睛發亮八卦地問。
「又話是話，個嘉玲BB冧邦主好似都冧左成兩三年。我真係睇唔出個黑面臣有咩咁好！冧咩人唔好啫，冧件咁嘅怪物。。。」阿潼拍了拍說話的明哥，阻止他繼續說下去。阿細則在心裡暗罵了幾句「衰人古曉臣！」，不悅地看了看辦公室裡的邦主一眼。邦主好像感覺到阿細的目光似的抬頭看了她一眼然後繼續工作。
「咁你地就有所不知喇！」當時眾人目光一致地看著十仔，等他繼續說下去。

「果時拍外景咁啱條街喥有工人搬緊塊大鏡經過。但就唔知點解經過嘉玲BB嘅時候碎左，邦主就撲左過去擋住。結果就俾啲碎片整親，只手同脖頭位都流血。有個傷口仲幾深吓，嘉玲BB當場嚇到喊。當時如果唔係邦主，我諗嘉玲BB塊面已經破相喇。」十仔娓娓道來。
「哇！邦主好man吖！」阿虹與嘉莉異口同聲地讚道。雖說已是許久前的事，阿細還是聽得心有餘悸，不經意又偷偷看了看辦公室裡的男人。
「邦主當時嘅解釋係，如果嘉玲BB受傷就會拖慢拍攝進度。」聽著十仔敘述，阿細心裡不禁地疑惑著。真的是這樣嗎？
十仔繼續說「其實明眼人一早睇出嘉玲BB對邦主有好感。經過呢件事之後，就一直都好冧邦主。只要邦主開聲話請佢上節目，佢就叫經紀人改schedule就邦主拍攝。佢亦都公開暗示過話中意邦主。。。」
「咁點解邦主冇反應嘅？靚女投懷送抱都可以無動於衷，唔通佢真係基嘅？！」阿齊插話。

午飯完畢後，阿細坐阿虹的車回公司。
「邦主今日都唔知搞咩，咁怪嘅。。。啊！會唔會為左嘉玲BB上節目感覺開心吖嗱？」阿虹猜。
「鬼知咩？佢成日都神神化化架啦！」每每觸及邦主的問題阿細都會不自覺地緊張起來，特別是剛才被揭發了他不介意吃她的「口水尾」。其實，他們兩也沒刻意隱藏關係，也沒認真談過這事。再说了，那男人特爱耍酷的，还是顺其自然吧！
「話是話阿細，頭先你做咩吖？好似句句都咬住邦主唔放咁，好彩佢今日心情靚，冇魔鬼變身咋！」阿虹說。
「有冇咁誇張吖？」阿細搖頭笑了笑。
「係你未見過啫！等你見到佢爆佢果句金句，你就知佢有幾魔鬼喇！」阿虹說。
「咩金句吖？」阿細好奇地問。
「你係咪想伯母見你唔到囉！佢好耐都冇爆呢句喇！你自己都話佢癲啦！」聽到阿虹的話，阿細尷尬地笑了。她倒忘了自己曾經稱呼邦主為「癲狗」、「癲佬」。現在自己喜歡上這個「癲佬」，是不是意味著自己更「癲」？天啊！
「知喇，知喇！下次咪唔串佢囉！」阿細說。

五點九一到，阿細準備離開辦公室。臨走前阿細whatsapp邦主「今日我會上你屋企煮飯吖！我留啲餸同湯俾你，你番黎果陣叮熱食啦！」兩個藍色的tick顯示邦主已閱讀了她的信息。感覺到房中男人的目光，阿細微笑地和他揮揮手，走出了辦公室。
邦主的家。
古Sir「阿細，其實我上去你喥食咪得囉，唔洗你特登上黎煮俾我。」
阿細「古Sir你唔洗唔好意思喎！阿孻叔又出左trip，阿虹今晚又開夜，有你陪我，我唔知幾開心！」
「我覺得你陪我多啲喎。」古Sir笑著說。
「邊係呢！係吖，我今日打算試整一味新餸，古Sir你要做食評架！呢味餸你有份諗架，你估吓係咩？」阿細故作神秘地說。
「你咁講，唔通係。。。」古Sir頓了一頓。
「士多啤梨咕嚕羊！」古Sir和阿細異口同聲地笑著說。
「咁我就要認真試下呢味咁creative嘅餸喇！」古Sir期待地說。
古Sir坐在open kitchen邊聊天，邊欣賞阿細變魔法似地輕輕鬆鬆地煮著晚餐。
「咦，阿細，啲餸嘅分量係咪多咗啲吖？得我地兩個人食咋喎！」
「係噃！買慣咗唔記得咗添！唔。。。咁咪留番啲俾你個仔食囉！你知唔知吖？啲同事話佢係食物垃圾桶黎架，我諗佢可以幫我地清晒去。」其實阿細是故意煮多點留給邦主吃的。
「係？講真，佢做野既時候係咪好惡頂架？」古Sir問。
「係架！」看見老人家微微有點難過的樣子，阿細接著說「不過呢，佢好為佢啲手下架！唔係真係咁難頂嘅。。。」
「我冇野喎，你唔洗安慰我。」古Sir回答。
「我講真架！如果真係咁惡頂就唔會有咁多女神BB冧佢啦！」很酸。。。
「係？我真係唔知佢咁受歡迎喎！上次我都聽見阿蘋話阿臣仔，話佢點解唔接受果個咩BB。臣仔就話係阿蘋叫佢唔好鐘意啲圈內人喎。。。」古Sir說。
「佢又會咁聽話嘅。。。」
「唔係話我要讚我自己個仔，臣仔其實好聽話、好孝順架！佢只係怕丑唔識表達自己咋。」古Sir自豪地說。
「唔係掛古Sir，你用怕丑呢兩個字形容佢，我真係有啲接受唔到。。。」阿細和古Sir相視一笑。

到了阿細家，邦主送阿細上去。
「我到喇！你早啲番去休息啦！」阿細體貼地說。
「。。。」邦主一點走的意思都沒有。
「。。。」阿細也看出邦主的意圖。但他不說，而孻叔又不在，自己請他進屋會不會。。。算了，不想那麼多了。「不如。。。你入黎坐低飲杯茶啦！」
「唔。」邦主尾隨著阿細入屋。進屋後打量著屋裡的一切。這是他第一次來她家。雖說他們已經拍拖數月，但她家一直有個大喇叭在，他也不好上來。他這男朋友可比老爸遜色多了。老爸來了無數次，而他。。。
「沖左杯洋菊花俾你吖，飲完好瞓啲架！」
「你好想留我係喥瞓咩？」邦主打趣地說。
「古曉臣，我發覺你真係好黑人憎吖！你可以走喇！唔送！」說完，阿細就進房不理邦主。怎麼老是覺得他把自己當花癡？真討厭！洗澡，睡覺！
邦主見自己快把茶喝完了，也不見阿細出來，想必真的是生氣了。
叩叩叩。。。「喂，我講笑咋！你唔係真係嬲吓嘩？」邦主邊敲門邊說。阿細沒回話。
「林小小，你係咪咁小氣吖？嗱，你再唔出聲我就入黎架喇！」說完邦主就把房門打開了。
怎麼沒人？浴室好像有水聲，應該是在洗澡吧！邦主坐在梳妝台前打量著房裡的一切。房裡的東西都整整齊齊的，和阿細的性格很契合。
過了一會兒，水聲停了。沒多久阿細也步出浴室。
「啊！你點解仲係喥架？」走出浴室就看見邦主坐在那兒，阿細嚇了一跳。
「等你囉！」
「等我做咩吖？頭先咪叫你走囉！」怎麼又生氣了？
「頭先我講笑咋。。。」
「成日咁樣整蠱我，覺得好好玩、好開心咩？」阿細生氣地說。
「我以為呢啲係生活情趣添。」邦主有點尷尬地說。這些他也不太懂啊。。。
見阿細好像還在生氣，邦主接著說「咁今日你都係咁串我啦！我地當扯平啦，好冇？」
見阿細還是沒反應，邦主拉著她的手說「林小小，你彩番我啦。。。我地咁難得至有機會單獨一齊。。。」見到他那有點賣萌的樣子，阿細終於笑了。
也是，兩人獨處的時間本就很少，是應該好好珍惜的。邦主見阿細笑了，開心地抱著她。今晚，大家都會有個美夢。CUIMD。

第一天終於完畢

對今晚這集的狗血劇情，我很失望。在我的《他們的小故事》裡，邦主和雲飛飛的關係依然是42與43集一樣，只是經過而已，不曾有過任何關係。我也設定阿細沒有弟弟，邦主沒有哥哥。

《從你世界經過 之 在你心中進駐》
邦主辦公室。
「古生，你啲單可唔可以唔好咁亂吖？」阿細邊整理邦主的單據邊搖頭。她真不明白，為甚麼這位男友上司製作節目的能力那麼強，處理單據那麼簡單的事，都可以讓他弄得像一團垃圾似的。他桌面和櫃子的凌亂程度真令人乍舌。
邦主依然埋首在文件中，好像沒聽見阿細的話似的。「阿古生，你究竟有冇聽我講野架？」阿細提高聲量。
「我有聽吖。。。唔好咁亂吖嘛。。。」邦主依然目不轉睛地看著文件隨口應著。
「咁你可唔可以唔好再咁亂呢？」阿細停下手上的動作，瞪著邦主問。
「執野好煩架！忙到死，邊有咁多時間啫！」邦主終於抬頭了。
「咁亂好易唔見啲單架！你係咪錢多到唔想claim番吖？」阿細開始循循誘道。
「做咩吖？咁快就想管住我吖？放心喎，少左呢啲錢我都養得你起嘅！」邦主抬頭笑著說。
「鬼駛你養吖！」怎麼又被將了一軍？
看見阿細那有些微溫的臉，邦主頓感有趣，忍不住繼續作弄她。「又嬲吖？近排你好似好易嬲喎！你親戚黎左咩？」
「哼！你自己搞掂佢啦！」說完阿細就丟下了手上的單據，準備離開辦公室。
邦主立馬拉著阿細的手，不讓她走。「咁我知有你吖嘛！你知我冇左你唔得架。。。嗱，我宜家就上去同時生開會。你留喺喥幫我執好啲單，好嘛？順便幫我執埋張檯同櫃喎！」邦主邊說邊離開了辦公室。
「哼！成日都係咁！」阿細雖然口中念著，但手依然沒停下整理單據。

狗血橋段，如有雷同，純屬巧合。

這段感覺不太流暢。。。

這篇目的是要洗腦。灌輸這情節。。。邦主和雲飛飛從來只是經過，沒談過戀愛，更沒發生97年平安夜。因為我個人覺得，97平安夜一發生，邦主阿細是沒可能了。試想想，哪個女人會笨到和老闆的舊男人好上？職位很高的女人都愛面子，表面寬宏大量而已。再說，邦主那麼討厭雲飛飛，本來就不可能和她的屬下好上的，一定有所避忌。所以，我一直不能接受邦主和雲不是經過，而是有一腿的。

「呢樣你唔擔心，我安排好晒喇！」
「咁好啦，你陪我去會展中心啦！」阿細感覺很開心，很少請假的他，竟肯為她放下工作陪她。
「好吖！睇展覽我都中意架！」邦主討好地說。

我的故事的進度特慢的。。。第二天還沒完。