寻日训晏觉果阵，我喺梦入边见到个女仔。佢好靓好得意。我哋假假地都算系同学，但系都未正式噉认识对方。唔够一个钟，我竟然就见到佢嘞！呢一次系我第一次离佢咁近，亦都系我第一次同佢讲嘢。但系我点都谂唔到我会咁淤！我同佢开门嘅时候系冇着裤嘅！净系着住条亏佬裤！

都不知有几尴尬！

你话时间可以翻转头噉又几好

人哋求其乱呃啲嘢问下你啫，千祈唔好乱谂嘢啊！

咁好个女仔点会咩你啫？你系咪痴咗线吖？

唔好话我冇提你啊，表错情呢家嘢仲淤过冇着裤添！

我好惊啊，但系又唔知自己惊紧乜

点解我依家会咁废柴嘅？

冇鬼用

我不嬲都唔识得点样去安慰人，不过我通常都唔需要人哋来安慰我。其实谂谂下，噉样真系好公平，亦都可以悭翻好多时间。不过今次我真系好想安慰下佢，但我同佢又唔系好熟……我根本都冇同佢倾过偈，我都系唔好做埋啲奇里嘢啦

我喺个台上边企咗好耐，人哋问我啲问题我冚唪唥都冇听入耳。因为我喺度等，我希望我可以等到佢望我一眼。一眼咁多啫。我就可以好开心。不过佢始终都冇噉做。

我基本上可以肯定，佢冇冧过我，不过我亦都可以肯定，我中意咗佢。

唔知十年之后，我睇翻呢啲嘢，仲会唔会记得佢个名？

点样去制造机会吖？