yahoo娱乐圈 2016年11月7日
曾華倩仔仔摘兩金兼破紀錄 成學界飛魚
近年星二代輩出，受到各方注視。曾華倩個仔仔林浩賢（Martin）除左係星二代之外，仲係一位好出色嘅學界泳手。Martin就讀名校喇沙，佢仲係學校泳隊主將，喺泳壇戰績彪炳，主攻50米同100米自由泳。
今日早上8點半喺九龍公園上演左一場氣氛熾熱嘅學界D1游泳決賽，Martin就喺50米同100米自由泳決賽不負眾望摘下金牌兼打破學界紀錄，仲重挫力爭24連霸嘅拔萃男書院。
媽媽曾華倩當然有到場打氣啦, 見到仔仔嬴左仲感動到眼濕濕。Martin接受訪問時話好多謝媽媽每朝早接送到體院訓練，同一直以來嘅支持。Martin更坦言比賽前媽媽同佢講:「搏盡無悔，如果放棄嘅話就係背叛依一年嘅訓練同學習。」
