郑秀文吧 关注：187,311贴子：2,862,390
[蘋果fb Live] @郑秀文Sammi Sammi裸料 (文字版)
1530：fb live完畢。
1529：問到邊度可以野生捕獲Sammi？佢就話：「我來來去去都係去嗰兩個街市，我住香港嘅，大家可以估下，發哥去嗰個街市都會去，因為嗰條街好多嘢買。」
1528：觀眾問Sammi會唔會係怪獸家長？佢就話：「自己未做過父母，佢哋某程度都係受害者，教育制度令家長變成怪獸家長，童年開心好緊要，如果每日都喺功課入面好痛苦。」
1527：觀眾讚Sammi皮膚好好，點keep？佢話：「持續出汗，飲水，做mask，我有時一日做兩次mask。」
1526：觀眾問如果生個女100%似安仔，OK？Sammi：「OK呀，每人個樣都有可取地方，父母嘅每個BB都好靚。」
1525：問到會唔會跑馬拉松？Sammi：「唔會，因為每日跑8公里已經好折磨，每日跑係生活習慣，好似刷牙咁。」
1524：網民讚Sammi同孝全冇違和感，keep得好好，Sammi話：「多謝，其實我大佢好多。」
1523：觀眾問會唔會同華仔一齊開演唱會？Sammi話：「諗法幾新鮮，嚟緊做黎明嘅嘉賓，諗咗兩隻歌，同Leon有互動，期待當日有特別演出。」
1522：觀眾問幾時生B？Sammi：「我知道係幾時我就好勁喇喎！人好多嘢係unknown，呢個交俾上天處理啦，o依家個心態冇以前百分之二百咁抗拒，順其自然。」觀眾問情人節會唔會下廚？Sammi：「情人節喺寧波嘛，不過我覺得係情人要煮，就唔一定要係情人節，最緊要有心思嘛。」
1520：觀眾問會唔會拍武俠片？Sammi指暫時就冇，不過會接其他片種，可以試下唔同劇本。又有男觀眾點可以識到女朋友，佢話：「太過收埋自己好難搵女朋友，害怕表達自己，唔好成日匿喺屋企，唔好成日沉迷網絡世界，現實世界相處好緊要。」
1519：觀眾問Sammi最叻煮咩餸？佢話：「唔敢話最叻，不過整台式滷肉，個個都食十碗八碗飯，有次有個男仔上嚟，食咗三十碗飯。」講到台式滷肉，就有台灣網民問Sammi幾時會過台灣？Sammi：「嚟緊15、16、17號都會過去台灣宣傳。（咁14號又點樣呢？）同孝全去寧波做宣傳啦。」
1518：再返到演唱會嘅問題，Sammi指傾緊會唔會做「TOUCH MI PART 2」海外演唱會。
1517：觀眾問劉德華嘅情況，佢就話：「精神好好，非常positive，希望佢快啲好番。」
1515：有觀眾話好鍾意Sammi以前條Nike眉，再問佢最鍾意咩眉形？Sammi話：「有時冇眉都幾靚，不過我自己都鍾意畫有起角嘅，有力啲。」講到電影嘅話，Sammi指有可能會同郭富城合作。
1514：觀眾讚Sammi出道以來邊個形象最鍾意，佢就話：「自己真實個性似係短頭髮，keep下長頭髮先，因為之前剷青都試過。」
1513：觀眾問會唔會live教人正確運動姿勢？佢話：「我自己都唔正確，大家見我好似好大隻，其實都係我自己做training，要靠自己，我覺得今年演唱會，肌肉線條好滿意，不過真係好辛苦。」
1510：觀眾問幾時開side track演唱會？Sammi即話：「傾緊嘅，唔係好大型，似係歌迷聚會，唔識我歌唔好入場，可能冇聽開我，可能會覺得悶。」
1509：觀眾問新歌《祼體早餐》嘅歌詞「脫光才能發問」，係唔係有啲咩意思，佢話：「聽到都知講緊兩性關係，我好耐冇呢類作品，之前都係唱好多福音歌，今次係一個『大膽回歸』，7年冇出國語碟。」
1507：觀眾問Sammi情人節收過最有心思禮物？佢話：「冇咩心思，煮下飯仔，寫張卡。」
1504：觀眾問Sammi有幾多磅？，佢話：「吓！我最近冇磅喎，我keep住做運動，反而冇咩特別去磅，最緊要身體健康，keep住做運動好難會特別肥。」問到幾時出減肥書？佢話：「講笑，都唔係寫咗好耐啫，十幾年，係埋緊尾，好想出到，係唔知點埋尾。」
1502：Sammi嘅相處之道？佢就話：「同任何人都係，尤其面對唔識嘅人要釋出善意。」
1500：鄭秀文 Sammi Cheng主持《蘋果》fb live正式開始。噚日元宵佳節，主持CK就問到Sammi去咗邊慶祝，佢就話去咗同張孝全宣傳電影《合約男女》。
