文化廊辰來之筆——Thank God It's Friday（作者簡介）李辰安，從事創作二十年，開拓城市感覺派文風，與讀者一起懷舊，穿越香港時空找尋生活新旨情。
星期五，又到星期五，真的是人生一樂，明天起身，不用上班，你不會見到不願見的人。
「時下有股歪風，有必要煞停，否則害人不淺，誤己誤人。我想的就是甚麼凍齡女神、逆生長奇迹的網上無聊無稽之談。」我未坐低，就抓住了今晚Happy Hour的發言權。
究其原因，我認為︰「娛樂八卦不死，只有凋零。由於手機、互聯網的普及，每個人吸收資訊新聞的頻率以小時計，每過六十分鐘看不到手機有最新訊息，你會坐立不安。做新聞難，做娛樂新聞更難，除非這個媒體有支超級大水喉在背後射住、射住，閒閒哋請一千幾百人，專門度橋兼採訪，否則好難滿足觀眾要求。」最弊係娛樂八卦近十幾二十年負能量化，為求做新聞，不惜扒糞抹黑，好多巨星一夜之間變奀星、霉星，影壇金童玉女變紙紮公仔，點搞？「當小編的還天乏術，唯有一味炒冷飯，炒到『無厘喇耍』，從小鮮肉、小鮮花，炒到不老男神、女神，特別拿出幾個不認老的明星做『星辦』，鼓吹人類容顏停止進化，結果，是阻礙了正常人的心理發展。」以上是第一輪酒的小總結。
「我靚唔靚、後生唔後生，同我個孫仔行出街係咪似情侶？」又或者，「我同個女落去老蘭，阿女啲同事猛咁打探佢身邊位帥哥係咪新男友。」對於以上「年齡迷失者」，我心中的標準答案是︰「係，凍齡，不過係心智上，而非你個樣。」
女士對凍齡怎麼想，我不便評論，男人如果容貌出現凍齡，我可以說上幾句。英國有兩位著名的Baby Face，一位是披頭四的保羅麥卡尼，二是金童子奇里夫李察，兩位歌壇天王，可不是刻意的扮嫩，我身為他們的「粉絲」，就是看着兩位偶像，從「入五」到「登陸」，及至最近已達古稀之齡，其童子臉依然高高掛。奇里夫比較低調，少露面，保羅爵士就依然活躍，看見他笑容和眼神不變，我有點替他不值。好一位萬人迷，為甚麼這麼多年都不能融入自己的真實年齡裏面？
我心目中最幸福的中年男星是佐治古尼，此君年輕時反而不太標青，就是有一副中年魅力容顏，令他看來優雅成熟，你看見佐治古尼，你會羨慕那些被網頁小編吹噓的「不老男」嗎？
講到這裏，旁邊之酒友已經好武斷地認為我有點異常。我還未交代佐治古尼後生做《ER》（《仁心仁術》）之時，不外是一個眼仔碌碌之醫生仔，大概只有美國師奶覺得他有型，但無從估計好多年之後可以成為國際極品，小林兄就打斷我︰「天氣熱得滯，定係你有怨屈氣，成個『憤中』（『憤青』之前輩）咁嘅？」
「無，我有乜怨屈氣，吹水之嘛，又唔係特首競選辯論，乜有限定議題咩？」我繼續講︰「男人老唔去，其實幾慘，五十幾歲人，勉強自己個樣停留喺十八歲，人家望多你幾眼，唔係因為你有魅力，而係好奇啫。」
「辰哥，聽聽吓，我哋有啲明解啦，你好唔習慣見到公司嗰位張先生，佢無乜得罪你呀。」我即時改換話題︰「大哥，唔好亂噏，我想探討中年型男之修煉秘技，你咁後生，或者唔啱聽。」
氣氛一轉，已到第三杯酒的時間，同事甲首先開腔︰「人到中年，有型有款，當然有錢有女朋友。」錯，男人年過四十之後，想要培養更大魅力，首是「敢老」，第二是「任性」。就以佐治古尼為例，三十幾歲被美國雜誌封為「最性感男人」，但並沒有產生「型男自覺症」，沒有太過保養自己，於是乎，黑髮變銀灰，還要皺紋滿面，最緊要這是一個蛻變，由討好的帥哥，一躍而成真正的男神。
「我明啦，就好似我哋細細個睇吳岱融做大台小生拍武打劇時，當初只係覺得佢靚仔，二十幾年無見，靚仔變咗『鷲哥』，大家驚為天人。」同事乙比較有慧根。事實上，佐治古尼也好，「鷲哥」也好，同是娛樂圈人，事業必然有起有跌，不過，最緊要放開，同時要任性。我的見解是，人生事業第一個春天與第二個春天之間，可以開心投入一段自我生活，中間帶出幾分自況與高傲，這份自我感覺良好，就是男人最王道之補藥，好過打Botox。
「真係打Botox就是凍結你嘅面形，同時鎖住你嘅個性，但係無助你變得有型。」我其實心裏一直都係以公司那位張先生為「偶像」，老實講，仔女都大學畢業，自己升到做會計阿頭（即係財務總監），好應該過一些自由自我的生活，我不奢望你好似佐治古尼去非洲蘇丹行俠仗義，宣揚人權那麼誇張，平時得閒不要搞集體（男士）美容當Fellowship，好嗎？你德高望重，一旦叫到我去，點算好？
「辰哥，三杯咋，咁快發吽哣？」當然No La，之不過，有位高級同事如此自戀、如此愛美，確實好難應酬，最慘對方是玻璃心，一個不留神，講錯句老呀、皺皮呀，我如何擔當得起？更惡搞係我老細，叫我校定個手機鬧鐘，定時定候在他面前，大聲讚幾句︰「張生，你啲皮膚好水潤，人哋唔知，以為你係果班Intern生。」又或者︰「我聽到有個Intern女生話你似吳唱K。」事關老細吩咐，「不善待呢位會計阿頭，遞入去啲數，真係耐過耐人尋味咁耐，先至有得批。明未？」
「喂，喂，飲醉就返屋企啦。」同事甲乙丙都有點不耐煩。咪住！我想講多兩句︰「你估你想追Intern生，就要扮到做Intern咁上下年紀就得？其實中年男人最大優勢係有點『曾經滄海』的感覺，幾靚女嘅後生女走過來，你不動如山，你臉上好似有故事告訴對方︰經歷過大海的波瀾壯闊，就不會再被他方之水吸引。沉醉過巫山雲雨夢幻，別處風景就不稱之為雲雨了。」如此這般，調番轉係女生追你。
忽然間，全世界目光不太友善投射在我身上，頓時不知如何招架，我只拋下一句︰「唔係我，我只係觀察到有啲人係咁啫……同時鄭重聲明，一定唔係我哋同事。」唉，人老心不老，又點會係我呢種資深基層員工呢？我學都唔會曉，你教我都唔會識啦。多謝上帝，今日禮拜五。
星期五，又到星期五，真的是人生一樂，明天起身，不用上班，你不會見到不願見的人。
「時下有股歪風，有必要煞停，否則害人不淺，誤己誤人。我想的就是甚麼凍齡女神、逆生長奇迹的網上無聊無稽之談。」我未坐低，就抓住了今晚Happy Hour的發言權。
究其原因，我認為︰「娛樂八卦不死，只有凋零。由於手機、互聯網的普及，每個人吸收資訊新聞的頻率以小時計，每過六十分鐘看不到手機有最新訊息，你會坐立不安。做新聞難，做娛樂新聞更難，除非這個媒體有支超級大水喉在背後射住、射住，閒閒哋請一千幾百人，專門度橋兼採訪，否則好難滿足觀眾要求。」最弊係娛樂八卦近十幾二十年負能量化，為求做新聞，不惜扒糞抹黑，好多巨星一夜之間變奀星、霉星，影壇金童玉女變紙紮公仔，點搞？「當小編的還天乏術，唯有一味炒冷飯，炒到『無厘喇耍』，從小鮮肉、小鮮花，炒到不老男神、女神，特別拿出幾個不認老的明星做『星辦』，鼓吹人類容顏停止進化，結果，是阻礙了正常人的心理發展。」以上是第一輪酒的小總結。
「我靚唔靚、後生唔後生，同我個孫仔行出街係咪似情侶？」又或者，「我同個女落去老蘭，阿女啲同事猛咁打探佢身邊位帥哥係咪新男友。」對於以上「年齡迷失者」，我心中的標準答案是︰「係，凍齡，不過係心智上，而非你個樣。」
女士對凍齡怎麼想，我不便評論，男人如果容貌出現凍齡，我可以說上幾句。英國有兩位著名的Baby Face，一位是披頭四的保羅麥卡尼，二是金童子奇里夫李察，兩位歌壇天王，可不是刻意的扮嫩，我身為他們的「粉絲」，就是看着兩位偶像，從「入五」到「登陸」，及至最近已達古稀之齡，其童子臉依然高高掛。奇里夫比較低調，少露面，保羅爵士就依然活躍，看見他笑容和眼神不變，我有點替他不值。好一位萬人迷，為甚麼這麼多年都不能融入自己的真實年齡裏面？
我心目中最幸福的中年男星是佐治古尼，此君年輕時反而不太標青，就是有一副中年魅力容顏，令他看來優雅成熟，你看見佐治古尼，你會羨慕那些被網頁小編吹噓的「不老男」嗎？
講到這裏，旁邊之酒友已經好武斷地認為我有點異常。我還未交代佐治古尼後生做《ER》（《仁心仁術》）之時，不外是一個眼仔碌碌之醫生仔，大概只有美國師奶覺得他有型，但無從估計好多年之後可以成為國際極品，小林兄就打斷我︰「天氣熱得滯，定係你有怨屈氣，成個『憤中』（『憤青』之前輩）咁嘅？」
「無，我有乜怨屈氣，吹水之嘛，又唔係特首競選辯論，乜有限定議題咩？」我繼續講︰「男人老唔去，其實幾慘，五十幾歲人，勉強自己個樣停留喺十八歲，人家望多你幾眼，唔係因為你有魅力，而係好奇啫。」
「辰哥，聽聽吓，我哋有啲明解啦，你好唔習慣見到公司嗰位張先生，佢無乜得罪你呀。」我即時改換話題︰「大哥，唔好亂噏，我想探討中年型男之修煉秘技，你咁後生，或者唔啱聽。」
氣氛一轉，已到第三杯酒的時間，同事甲首先開腔︰「人到中年，有型有款，當然有錢有女朋友。」錯，男人年過四十之後，想要培養更大魅力，首是「敢老」，第二是「任性」。就以佐治古尼為例，三十幾歲被美國雜誌封為「最性感男人」，但並沒有產生「型男自覺症」，沒有太過保養自己，於是乎，黑髮變銀灰，還要皺紋滿面，最緊要這是一個蛻變，由討好的帥哥，一躍而成真正的男神。
「我明啦，就好似我哋細細個睇吳岱融做大台小生拍武打劇時，當初只係覺得佢靚仔，二十幾年無見，靚仔變咗『鷲哥』，大家驚為天人。」同事乙比較有慧根。事實上，佐治古尼也好，「鷲哥」也好，同是娛樂圈人，事業必然有起有跌，不過，最緊要放開，同時要任性。我的見解是，人生事業第一個春天與第二個春天之間，可以開心投入一段自我生活，中間帶出幾分自況與高傲，這份自我感覺良好，就是男人最王道之補藥，好過打Botox。
「真係打Botox就是凍結你嘅面形，同時鎖住你嘅個性，但係無助你變得有型。」我其實心裏一直都係以公司那位張先生為「偶像」，老實講，仔女都大學畢業，自己升到做會計阿頭（即係財務總監），好應該過一些自由自我的生活，我不奢望你好似佐治古尼去非洲蘇丹行俠仗義，宣揚人權那麼誇張，平時得閒不要搞集體（男士）美容當Fellowship，好嗎？你德高望重，一旦叫到我去，點算好？
「辰哥，三杯咋，咁快發吽哣？」當然No La，之不過，有位高級同事如此自戀、如此愛美，確實好難應酬，最慘對方是玻璃心，一個不留神，講錯句老呀、皺皮呀，我如何擔當得起？更惡搞係我老細，叫我校定個手機鬧鐘，定時定候在他面前，大聲讚幾句︰「張生，你啲皮膚好水潤，人哋唔知，以為你係果班Intern生。」又或者︰「我聽到有個Intern女生話你似吳唱K。」事關老細吩咐，「不善待呢位會計阿頭，遞入去啲數，真係耐過耐人尋味咁耐，先至有得批。明未？」
「喂，喂，飲醉就返屋企啦。」同事甲乙丙都有點不耐煩。咪住！我想講多兩句︰「你估你想追Intern生，就要扮到做Intern咁上下年紀就得？其實中年男人最大優勢係有點『曾經滄海』的感覺，幾靚女嘅後生女走過來，你不動如山，你臉上好似有故事告訴對方︰經歷過大海的波瀾壯闊，就不會再被他方之水吸引。沉醉過巫山雲雨夢幻，別處風景就不稱之為雲雨了。」如此這般，調番轉係女生追你。
忽然間，全世界目光不太友善投射在我身上，頓時不知如何招架，我只拋下一句︰「唔係我，我只係觀察到有啲人係咁啫……同時鄭重聲明，一定唔係我哋同事。」唉，人老心不老，又點會係我呢種資深基層員工呢？我學都唔會曉，你教我都唔會識啦。多謝上帝，今日禮拜五。
