乡音就像亲爷娘
一直有人对我亇乡音弘扬路线心存疑惑：既然侺要搞人类语言么，嗰为啥不以全球通用亇英语为主，去弄世界人民顶顶头大亇中国闲话？乃么搞中国语言么，为啥不以推广全国亇北京语音为主，倒去弄上海闲话？乃么弄上海闲话么，啥主打亇还不是上海城区闲话，倒是嘉定闲话？乃么嘉定闲话弄亇还不是嘉定县城里亇闲话，竟然是华亭乡下头亇闲话。
轧实，昰个是一只极其简单亇问题——既然我伲致力于传承与弘扬乡音，嗰么自然就是自家家乡亇声音。嗰么家乡著何塱，主打亇就是何塱亇闲话。我是中国·上海市·嘉定县·华亭乡人，嗰么我亇乡音自然就是中国·上海市·嘉定县·华亭乡亇闲话。语言标准是精确到点亇。我家乡亇人类语言，我话亇具体亇汉语，就是精确到华亭乡昰个地点亇闲话，标准明确得不得了，声母、韵母、声调清清爽爽，撘古汉语俦亇对应关系整整齐齐。又不是只有分布于北京皇城，或者上海都市，或者嘉定镇上亇汉语语音么有标准亇咾！
乃么有人话啧：“侺昰个闲话难听！人家覅听亇。”首先，难听么又哪恁？侺嫌著难听，侺不听么就好啧，又朆啥人强迫尔听亇。春晚也不是个个人全看亇。乡音就像亲爷娘，侺觉着伲爷娘难看，侺不看就可以，但爷娘啥不是我爷娘啧？就不值得我宣传介绍啧？
更何况，语言亇好听、难听，到究真亇是有一只客观亇标准嗫还只是对于使用者出身地经济、政治、文化地位亇偏见？为点啥古代洛阳地位高亇辰光全国以洛阳音为雅？现在北京地位高，大家就以北京音为雅，以洛阳音为土？为点啥上海县只是松江府下头地处偏远亇一个普通县亇辰光松江府城亇人轻视上海县亇闲话？但近代上海县崛起成为大都市，地位反超松江府城之后，人们又轻视松江闲话而以上海城区闲话为美？话著啥真亇是松江府统辖上海县亇辰光松江城亇闲话好听，上海市统辖松江县之后上海城亇闲话就变得好听啧？拆穿著讲还不是因为经济、政治、文化地位亇变化塱人们头脑里亇反映？
故所以，无论是以街上、乡下为理由，还是以好听、难听为借口，要想压制人家亇乡音，本质上撘片面推广北京音是一样亇，全是违反语言文化资源保护精神亇，只是塱全国范围里轧不过北京音咾只好著自家地方上欺欺更加弱势亇语言资源。
各个城镇亇闲话是昰排城镇居民亇乡音；广大农村地区各个地点亇闲话是昰排乡民亇乡音。每个人全有自家亇乡音，就像每个人全有自家亇亲爷娘一样，呒能互相替代亇。有排地点亇闲话饶像，只是语言亲属关系稍些近着眼，但饶近也是别人，不是自家亇亲爷娘。每个地点亇人传承弘扬自家亇乡音，虽然互不相同，但精神是一致亇，是普世亇。昰个就像孝一样，一个人孝敬自家亇爷娘，待得来得个好，以至于享有盛名，不是话叫人家也要来孝敬佢亇爷娘，而是替大家树立榜样，提醒佷，侺也可以昰恁做亇。一个人传承、弘扬自家亇乡音，不是话叫佷也要来传承、弘扬我亇乡音，而是替佷树立一个模板，侺也可以昰恁传承、弘扬佷亇乡音亇。
当然，每个人亇乡音有势力强弱之分，就像每个人亇爷娘社会地位有高低一样。强势语亇母语者越加乐意宣传自家亇乡音，就像介绍自家颇有社会地位亇爷娘一样；弱势语亇母语者越加羞于宣传自家亇乡音，就像介绍自家社会地位低下亇爷娘一样。从人群总体来讲，昰种现象是常见甚至普遍亇，佷话阿正常嗫？也正常亇，也是人亇本性使然。但若然有人遏制人家传承、弘扬自家亇乡音，嗰无异于叫人家覅孝敬自家亇爷娘一样，並不可取，话著来孝敬佷亇爷娘？佷亇爷娘靠佷自家孝敬，别人愿意来孝敬佷亇爷娘，算佷福气！作兴佷亇爷娘势力大，地位高。但佷不可能指望人家全拿精力用来孝敬佷亇爷娘，人家也有自家亇亲爷娘，对佷亇爷娘客气一声，尊敬一声，鼓励佷也鼎力孝敬、宣传佷亇爷娘，蛮好啧。
当然，就像大多数人亇爷娘社会地位不高一样，弱势语母语者单清靠自家亇乡音的确走不远，必须依靠强势语亇沟通作用游走天下，就像依靠某几个社会地位较高亇别人家亇爷娘亇帮助获得更好亇发展一样，人家亇爷娘的确傍佷自家亇爷娘更有能量，也应该肯定撘感谢。人际关系，不可能只有亲子之间亇。但不管哪恁，别人家亇爷娘，势力饶大，帮佷饶多，哪怕佷认佢过房爷娘么啧，终究不是佷亇亲爷娘，终究呒能取代佷亇亲爷娘。因为侺亇亲爷娘，饶穷，也是世界上亇唯一！
疁·浏河长江
2018年3月15号 礼拜四
戊戌年 正月廿八
嘉定建县800周年
嘉定区菊园老茶坊《嘉定闲话》栏目
嘉定古建与民俗研究会~陈夏青嘉定语言研究工作室 出品
一直有人对我亇乡音弘扬路线心存疑惑：既然侺要搞人类语言么，嗰为啥不以全球通用亇英语为主，去弄世界人民顶顶头大亇中国闲话？乃么搞中国语言么，为啥不以推广全国亇北京语音为主，倒去弄上海闲话？乃么弄上海闲话么，啥主打亇还不是上海城区闲话，倒是嘉定闲话？乃么嘉定闲话弄亇还不是嘉定县城里亇闲话，竟然是华亭乡下头亇闲话。
轧实，昰个是一只极其简单亇问题——既然我伲致力于传承与弘扬乡音，嗰么自然就是自家家乡亇声音。嗰么家乡著何塱，主打亇就是何塱亇闲话。我是中国·上海市·嘉定县·华亭乡人，嗰么我亇乡音自然就是中国·上海市·嘉定县·华亭乡亇闲话。语言标准是精确到点亇。我家乡亇人类语言，我话亇具体亇汉语，就是精确到华亭乡昰个地点亇闲话，标准明确得不得了，声母、韵母、声调清清爽爽，撘古汉语俦亇对应关系整整齐齐。又不是只有分布于北京皇城，或者上海都市，或者嘉定镇上亇汉语语音么有标准亇咾！
乃么有人话啧：“侺昰个闲话难听！人家覅听亇。”首先，难听么又哪恁？侺嫌著难听，侺不听么就好啧，又朆啥人强迫尔听亇。春晚也不是个个人全看亇。乡音就像亲爷娘，侺觉着伲爷娘难看，侺不看就可以，但爷娘啥不是我爷娘啧？就不值得我宣传介绍啧？
更何况，语言亇好听、难听，到究真亇是有一只客观亇标准嗫还只是对于使用者出身地经济、政治、文化地位亇偏见？为点啥古代洛阳地位高亇辰光全国以洛阳音为雅？现在北京地位高，大家就以北京音为雅，以洛阳音为土？为点啥上海县只是松江府下头地处偏远亇一个普通县亇辰光松江府城亇人轻视上海县亇闲话？但近代上海县崛起成为大都市，地位反超松江府城之后，人们又轻视松江闲话而以上海城区闲话为美？话著啥真亇是松江府统辖上海县亇辰光松江城亇闲话好听，上海市统辖松江县之后上海城亇闲话就变得好听啧？拆穿著讲还不是因为经济、政治、文化地位亇变化塱人们头脑里亇反映？
故所以，无论是以街上、乡下为理由，还是以好听、难听为借口，要想压制人家亇乡音，本质上撘片面推广北京音是一样亇，全是违反语言文化资源保护精神亇，只是塱全国范围里轧不过北京音咾只好著自家地方上欺欺更加弱势亇语言资源。
各个城镇亇闲话是昰排城镇居民亇乡音；广大农村地区各个地点亇闲话是昰排乡民亇乡音。每个人全有自家亇乡音，就像每个人全有自家亇亲爷娘一样，呒能互相替代亇。有排地点亇闲话饶像，只是语言亲属关系稍些近着眼，但饶近也是别人，不是自家亇亲爷娘。每个地点亇人传承弘扬自家亇乡音，虽然互不相同，但精神是一致亇，是普世亇。昰个就像孝一样，一个人孝敬自家亇爷娘，待得来得个好，以至于享有盛名，不是话叫人家也要来孝敬佢亇爷娘，而是替大家树立榜样，提醒佷，侺也可以昰恁做亇。一个人传承、弘扬自家亇乡音，不是话叫佷也要来传承、弘扬我亇乡音，而是替佷树立一个模板，侺也可以昰恁传承、弘扬佷亇乡音亇。
当然，每个人亇乡音有势力强弱之分，就像每个人亇爷娘社会地位有高低一样。强势语亇母语者越加乐意宣传自家亇乡音，就像介绍自家颇有社会地位亇爷娘一样；弱势语亇母语者越加羞于宣传自家亇乡音，就像介绍自家社会地位低下亇爷娘一样。从人群总体来讲，昰种现象是常见甚至普遍亇，佷话阿正常嗫？也正常亇，也是人亇本性使然。但若然有人遏制人家传承、弘扬自家亇乡音，嗰无异于叫人家覅孝敬自家亇爷娘一样，並不可取，话著来孝敬佷亇爷娘？佷亇爷娘靠佷自家孝敬，别人愿意来孝敬佷亇爷娘，算佷福气！作兴佷亇爷娘势力大，地位高。但佷不可能指望人家全拿精力用来孝敬佷亇爷娘，人家也有自家亇亲爷娘，对佷亇爷娘客气一声，尊敬一声，鼓励佷也鼎力孝敬、宣传佷亇爷娘，蛮好啧。
当然，就像大多数人亇爷娘社会地位不高一样，弱势语母语者单清靠自家亇乡音的确走不远，必须依靠强势语亇沟通作用游走天下，就像依靠某几个社会地位较高亇别人家亇爷娘亇帮助获得更好亇发展一样，人家亇爷娘的确傍佷自家亇爷娘更有能量，也应该肯定撘感谢。人际关系，不可能只有亲子之间亇。但不管哪恁，别人家亇爷娘，势力饶大，帮佷饶多，哪怕佷认佢过房爷娘么啧，终究不是佷亇亲爷娘，终究呒能取代佷亇亲爷娘。因为侺亇亲爷娘，饶穷，也是世界上亇唯一！
疁·浏河长江
2018年3月15号 礼拜四
戊戌年 正月廿八
嘉定建县800周年
嘉定区菊园老茶坊《嘉定闲话》栏目
嘉定古建与民俗研究会~陈夏青嘉定语言研究工作室 出品
