今日係12月31号，个天阴阴
气温係廿一度，我唔几开心
考试都唔识做，俾老师整咗镬金
个计量经济真係好鬼难
逢人问亲都话好鬼烦
温书温咗朗个星期身心饱受摧残
唔到考试都唔知题型认真冇得弹
睇住张试卷睇到想吊颈
揾匀成张卷冇题识做好似未瞓醒
实写得啱噶好似就得自己个名
又唔好意思咁快走对眼望住屋顶
捱到12点半斋坐咗成个钟
如果要挂科实在係冇阴功
霖咗下仲有6日先考完试
未考完试我死先都似
不过考完最柒嗰科，我唔理咁多
话知班肾仔喺度阿支阿祚
宜家我最想就係翻去车陂
饮住袋柠檬茶去艳艳打机
玩完游戏，整碗赵记
想象一下都舒服到痹
突然醒起今日係19年最后一日
霖翻呢一年其实有d柒
翻学成日喺度玩书都冇点读
但係除咗自己班嘅其他人都唔点熟
嚟到大三我做埋班长
其实冇乜唔洗同我颁奖
亦都唔係有乜非分之想
其实班长做得都唔系几好
次次落课走得最早
有时有事都揾我唔到
希望出年更加落力
帮大家做嘢更加积极
今年暑假我仲考咗车牌
不过距离买车都仲有一排
一望隔离复习资料仲有好多
我都唔再啰嗦
祝福吹水社各位哥哥
新年乐呵呵！