ᠪᠦᠬᠦ ᠳᠡᠯᠡᠬᠡᠢᠶᠢᠨ ᠠᠷᠠᠳ ᠲᠦᠮᠡᠨᠳᠦ
ᠪᠦᠷᠢᠨ ᠡᠷᠬᠡᠶᠢ ᠣᠯᠭᠤᠭᠴᠢ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠪᠦᠳᠦᠭᠦᠯᠢᠭ ᠶᠠᠳᠠᠭᠤ ᠠᠷᠠᠳ ᠲᠦᠮᠡᠨᠢ
ᠭᠡᠭᠡᠨᠢᠶᠡᠷ ᠤᠳᠤᠷᠢᠳᠤᠭᠴᠢ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠡᠨᠡ ᠪᠣᠯ ᠮᠠᠨᠤ ᠡᠴᠦᠰᠦᠨ
ᠡᠷᠡᠰ ᠲᠤᠯᠤᠯᠳᠤᠭᠠᠨ ᠶᠤᠮ
ᠢᠨᠲ᠋ᠧᠷᠨᠠᠼᠢᠤᠨᠠᠯᠲᠠᠢᠪᠠᠨ
ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠳᠠᠪᠰᠢᠨᠠ ᠠ
ᠬᠠᠮᠤᠭ ᠳᠡᠯᠡᠬᠡᠢᠶᠢᠨ ᠶᠠᠳᠠᠭᠤ ᠠᠷᠠᠳᠢ
ᠬᠠᠷᠠᠩᠭᠤᠢᠪᠠᠷ ᠮᠥᠯᠵᠢᠭᠴᠢ ᠬᠠᠷᠭᠢᠰᠤᠳᠢ
ᠬᠠᠱᠠᠩ ᠠᠷᠢᠯᠭᠠᠬᠤᠪᠠᠷ ᠡᠰᠡᠷᠭᠦᠴᠡᠭᠰᠡᠨ
ᠬᠠᠰᠤᠨ ᠵᠠᠮᠲᠠᠢ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠭᠡᠮᠦᠭᠡᠢ ᠰᠠᠭᠤᠭᠰᠠᠨ ᠣᠷᠴᠢᠯᠠᠩᠢ
ᠭᠡᠮᠲᠦᠭᠦᠯᠦᠨ ᠳᠠᠷᠤᠯᠠᠭᠴᠢ ᠺᠠᠫᠢᠲ᠋ᠠᠯᠲᠠᠨᠢ
ᠬᠡᠶᠢᠰᠬᠡᠨ ᠠᠷᠢᠯᠭᠠᠬᠤᠪᠠᠷ ᠡᠰᠡᠷᠭᠦᠴᠡᠭᠰᠡᠨ
ᠭᠡᠭᠡᠨ ᠮᠥᠷᠲᠡᠢ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠭᠠᠶᠢᠬᠠᠮᠰᠢᠭᠲᠤ ᠵᠢᠪᠬᠤᠯᠠᠩᠲᠤ ᠤᠯᠠᠭᠠᠨ ᠲᠤᠭᠢᠶᠠᠷ
ᠭᠠᠵᠠᠷᠤᠨ ᠪᠥᠮᠪᠥᠷᠴᠡᠭᠢ ᠪᠥᠷᠬᠥᠭᠡᠳ
ᠭᠠᠯ ᠤᠰᠤᠨᠤ ᠭᠠᠰᠢᠭᠤᠨ ᠵᠣᠪᠠᠯᠠᠩᠠᠴᠠ ᠭᠡᠲᠦᠯᠭᠡᠭᠴᠢ
ᠭᠠᠶᠢᠬᠠᠮᠰᠢᠭᠲᠤ ᠭᠤᠷᠪᠠᠳᠤᠭᠠᠷ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠳᠣᠷᠣᠨᠠ ᠥᠷᠥᠨᠡᠶᠢᠨ ᠣᠯᠠᠨ ᠲᠢᠪ ᠳ᠋ᠡᠬᠢ
ᠳᠣᠷᠣᠮᠵᠢᠯᠠᠭᠳᠠᠭᠰᠠᠨ ᠳᠠᠷᠤᠯᠠᠭᠳᠠᠭᠰᠠᠨ ᠠᠷᠠᠳ ᠲᠦᠮᠡᠨ
ᠳᠠᠷᠤᠶᠢᠬᠠᠨ ᠪᠥᠭᠥᠳᠡᠭᠡᠷᠢᠶᠡᠨ ᠪᠠᠴᠠᠵᠠᠭᠠᠵᠤ
ᠳᠣᠭᠰᠢᠨ ᠬᠠᠷᠭᠢᠰᠤᠳᠢ ᠳᠤᠷᠴᠠᠭᠲᠤᠨ
ᠪᠠᠶᠠᠯᠢᠭ ᠨᠣᠶᠠᠳᠤᠳᠤᠨ ᠡᠷᠬᠡ ᠮᠡᠳᠡᠯᠳᠦ
ᠪᠠᠯᠪᠠᠭᠠᠳᠠᠨ ᠳᠠᠷᠤᠯᠠᠭᠳᠠᠭᠰᠠᠨ ᠠᠷᠠᠳ ᠲᠦᠮᠡᠨ
ᠪᠠᠭᠠᠶᠢᠨ ᠬᠠᠶᠢᠷᠠᠨ ᠨᠠᠰᠤᠨᠠᠴᠠᠪᠠᠨ
ᠦᠢᠯᠡᠳᠪᠦᠷᠢᠳᠦ ᠵᠢᠳᠬᠦᠭᠰᠡᠨ ᠠᠷᠠᠳ ᠲᠦᠮᠡᠨ
ᠡᠳᠡᠭᠡᠷ ᠣᠯᠠᠨ ᠵᠣᠪᠠᠯᠠᠩᠲᠠᠨ ᠨᠠᠷ
ᠡᠪ ᠬᠠᠮᠲᠤᠶᠢᠨ ᠢᠨᠲ᠋ᠧᠷᠨᠠᠼᠢᠤᠨᠠᠯᠳᠤ ᠨᠢᠭᠡᠳᠴᠦ
ᠡᠷᠴᠢᠮᠲᠡᠢ ᠠᠩᠬᠢᠶᠢᠨ ᠴᠢᠨᠠᠷᠢ ᠪᠠᠷᠢᠮᠲᠠᠯᠠᠨ
ᠡᠵᠡᠷᠬᠡᠭ ᠪᠠᠶᠠᠴᠤᠳᠢ ᠡᠰᠡᠷᠭᠦᠴᠡᠶᠡ
ᠵᠢᠷᠭᠠᠯᠠᠩᠲᠤ ᠪᠠᠶᠢᠳᠠᠯᠢ ᠵᠣᠬᠢᠶᠠᠨ ᠴᠢᠳᠠᠭᠴᠢ
ᠵᠢᠪᠬᠤᠯᠠᠩᠲᠤ ᠲᠤᠭ ᠶᠠᠭᠤᠶᠢᠪᠠᠨ ᠪᠠᠶᠢᠭᠤᠯᠤᠭᠰᠠᠨ
ᠵᠢᠷᠤᠮᠲᠤ ᠡᠪ ᠬᠠᠮᠲᠤ ᠨᠠᠮᠤᠳᠤᠨ
ᠵᠢᠷᠤᠮ ᠬᠣᠯᠪᠣᠭᠠᠳᠤ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠭᠡᠭᠡᠨ ᠲᠤᠩᠭᠠᠯᠠᠭ ᠡᠷᠳᠡᠮ ᠰᠤᠶᠤᠯᠢᠶᠠᠷ
ᠳᠥᠷᠪᠡᠨ ᠵᠦᠭᠲᠦᠪᠡᠨ ᠴᠡᠴᠡᠭ ᠳᠡᠯᠭᠡᠵᠦ
ᠭᠡᠷᠡᠯᠲᠦ ᠨᠠᠷᠠᠨᠤ ᠡᠷᠳᠡᠨᠢᠶᠢᠨ ᠲᠤᠶᠠᠭᠠᠪᠠᠷ
ᠶᠢᠷᠲᠢᠨᠴᠦ ᠳᠠᠬᠢᠨᠢ ᠭᠡᠶᠢᠭᠦᠯᠬᠦ ᠪᠣᠯᠲᠤᠭᠠᠢ
ᠡᠨᠡᠬᠦ ᠳᠡᠯᠡᠬᠡᠢᠶᠢᠨ ᠠᠷᠠᠳ ᠲᠦᠮᠡᠨᠢ
ᠡᠷᠬᠡᠪᠰᠢ ᠨᠢᠭᠡᠳᠬᠡᠬᠦ ᠵᠣᠷᠢᠯᠭᠠᠲᠠᠢ
ᠡᠪ ᠬᠠᠮᠲᠤᠶᠢᠨ ᠭᠤᠷᠪᠠᠳᠤᠭᠠᠷ ᠢᠨᠲ᠋ᠧᠷᠨᠠᠼᠢᠤᠨᠠᠯ
ᠡᠭᠦᠷᠢᠳᠡ ᠨᠠᠷᠠᠨ ᠮᠡᠲᠦ ᠮᠠᠨᠳᠤᠬᠤ ᠪᠣᠯᠲᠤᠭᠠᠢ