沒有三個女人一個因的第十八個周日
【Evie扮自殺威脅Kai之前】
Evie：一句到尾！幫定唔幫？
Kai：我唔係唔想幫，而我真係覺得，菠椰同愁擘擘有佢地嘅作用，佢地係你嘅一部分，你唔應該將佢地切割出唻！
Evie：OK！我真係唔幫我吖嘛？你走！我另外搵人幫！
△Evie把背包掉給Kai！打開大門讓Kai出！
△Kai無奈離開因家。
※　　　　　　　　　　※　　　　　　　　　　※
△Evie房間，Evie拿著手機翻查通訊錄，不停用手指上下掃屏幕，見除了Kai、Theo、Dr. Bean、Easy、Bowin、Gloria和勞律師外，其他都是泛泛之交的客人或法律界人士。
Evie（心聲V. O. ）：（不服氣）無理由嘅，我就唔信除咗個死人頭之外就無朋友！
△Evie放下手機，開著電腦，見電腦畫面顯示Facebook的朋友名單總數過千。
Evie：（欣喜）邊個話我無Friend，多到你嗌驚！
△時Facebook彈出對話框，網友「羅斌漢」說：「愁擘擘，咁耐無Online，華麗轉身去咗邊？」
Evie：（一怔）愁擘擘？
△Evie見Facebook畫面上方的用戶名果然是愁擘擘，即登出，再以Evie Fong的名字登入，見朋友名單只得二十餘人。
Evie（心聲V. O. ）：廿個咁少，仲要全部都係N年無見嘅中小同，有無搞錯！
△時手機響起提示聲，Evie見手機畫面顯示有很多朋友傳來的訊息提示。
Evie（心聲V. O. ）：（一喜）仲有大把貨！
△Evie打開手機的交友App，見有很多留言，但全部都是給椰：「Pina，幾時得閒再劈過？」「Honey，Waiting for you at Soho！」「好掛住你呀Pina BB！」「Baby，幾時去西貢捏返轉？」
△Evie失望關機。
Evie（心聲V. O. ）：（黯然）連佢哋都多朋友過我，唔通真係無人幫到我？
△Evie倍感孤獨與無助。
※　　　　　　　　　　※　　　　　　　　　　※
△Evie家廳，廳中無人，門鈴響著，但無人應門，接著門外傳來鎖匙開門聲，門打開，見進來的人是Kai。
Kai（心聲V. O. ）：唔喺度嘅？唔通出咗街？
△Kai逕自去拿未收拾完的工作物品，包括文件夾、法律書和Notebook，放進背包。
Kai（心聲V. O. ）：執埋呢次，真係再無野留喺度喇…
△時Kai回想起Evie在這裡說過的零碎對白，去F. B. 碎鏡。
Evie：唔通Pina喺入面都控制到我？
Evie：我係我，Pina係Pina，我哋唔一樣架！唔好將我哋撈埋一齊！
Evie：佢哋無你口中講到咁偉大！我唔覺得佢哋幫我，亦都唔需要佢哋幫我！如果佢哋真係咁想幫我，就最好兩個都快啲同我消失！
Evie：利東佳！我警告你，我同佢兩個無啦無Lung，你唔好再將我同佢地混為一談！
△回現實，Kai已身處Evie房內，步至三面鏡前，望著鏡中的三個自己，若有所思，苦惱Evie仍不接受椰及愁。
Kai（心聲V. O. ）：明明三個都係你，點解你仲係唔明？
△時Kai的連戲手錶收到求救響起，Kai一怔望錶，擔心反應。
【同場加映：Dr. Bean收到Kai求救電話之前】
△Dr. Bean診所，房中，Dr. Bean再一次運用空椅子心理技術，坐在椅子上，面對著另一張空椅子，當作與Evie對話。
Dr. Bean：（不解）話就話阿Kai係你徒弟啫，但你不嬲淨識諗自己，點會咁好死陪佢覆完診，又為佢學催眠？
△Dr. Bean立即坐到對面的空椅扮Evie，回答。
Dr. Bean：（扮Evie，得戚）唓！你唔畀我轉死性架？
△Dr. Bean坐回自己位。
Dr. Bean：無可能！你啲冷血無情入晒⻣，突然咁好死，係咪怕你徒弟影衰佢咋！
△Dr. Bean坐到對面位。
Dr. Bean：（扮Evie）Bingo！我崇尚完美主義，徒弟梗要Perfect！
△Dr. Bean坐回自己位。
Dr. Bean：（做回自己）所以有可疑！我考唔到第二得第三，你即刻同我割蓆！徒弟有病你點忍？照計第一時間炒咗佢！
△快速碎鏡，見Dr. Bean不斷對調位置對話，累到喘晒氣。
Dr. Bean：（自己位，喘著氣）你根本唔會咁有同情心…我仲記得中學有次，我入左廁格發現唻M無M巾，你喺出面，我叫你幫我班一塊M巾返唻，你一去無回頭！我M痛到死，叫天不應叫地不聞…
△Dr. Bean愈諗愈嬲，握緊半頭，不停抖大氣。
Dr. Bean：（自我安慰）邊小豆，你唔好為啲冷血動物勞氣喇！斷捨離，執下野！
△Dr. Bean收拾房間。
△未幾，Dr. Bean見一角放有Dr. Lee遺物紙箱，想把紙箱搬好，赫發覺箱內一排DVD空了一格，奇怪。
Dr. Bean：點解少咗隻嘅？
△Dr. Bean拿起Checklist核對。
Dr. Bean（心聲V. O. ）：（望著Checklist）…三重人格少女嘅Case study…Client嘅Initial係E.F.…拍攝年份係十五年前，地點係英國…（不敢想像）E. F. …Evie Fong？！
△時Dr. Bean手機突然響起，Dr. Bean見來電是Kai，一奇，接聽。
Kai（V. O. ）：（慌張）Dr. Bean！救我師傅呀！佢畀我催眠咗醒唔返！
△Dr. Bean大驚失色。

沒有三個女人一個因的第十九個周日
【Pina教Evie喜愛夜蒲】
△接Evie上場被Kai質疑不是美人，激氣情緒開出…
Evie：個利東佳講乜野呀！咩美人好多把尺？我係法律界女神喎！太子仔第一次見我就起啖！我會比唔上援交市民初戀？
△Evie隱約為Kai呷醋而不自知，氣極打開衣櫃。
Evie：我要証明俾你睇，無論邊把尺我方以因都係美人！
△碎鏡見Evie換上不同Evie服飾，用手機自拍出每套衫的打扮，但對每套衫效果都不甚滿意。
Evie：乜套套衫都無「叮」一聲！
△Evie找衣服把衣櫃弄得雜亂無比，最後在一角找到一套自己陌生的少布性感衣服，正是Pina的服飾。
△只見布太少，設計前衛不平衡，Evie拿在手上懷疑。
△鏡頭一轉，Evie穿著健康運動胸圍，試穿Pina衣服…
Evie：（搞不懂服飾設計）究竟邊度前邊度後，邊度上邊度下？邊個窿係頭，邊個窿係手？
△碎鏡見Evie多次把衣服穿錯，把手插錯頭，把頭插錯手之後…
△終於，Evie弄懂了衣服設計，正確把衣服穿上了。
△見Evie雖然成功穿上，但感到渾身不自然。
Evie：明明係咁樣著架啦，點解硬係有啲唔妥！
△Evie不禁到三面鏡前，拉開花布，端視一身打扮。
△Evie左拉右拉，左照右照都不明問題所在。
△時Pina在鏡中出現。
Pina：（窒）著起龍袍都唔似太子！
Evie：（氣）明明同一副偈，你著同我著有咩唔同？
Pina：（斜眼看Evie）因為你身上著多左啲野囉！
△Evie下意識看著自己胸部，反應。
※　　　　　　　　　　　※　　　　　　　　　　※
△蘭桂坊街，Evie穿著上場連戲Pina衫向蘭桂坊進發…
△大街大巷，Evie真空上陣，太暴露怕走光，把衫向左拉向右拉，又用手遮，但遮得東來，遮不得西。
△Evie又想把短裙扯長，嫌短用小手袋遮。
△Evie感覺不自在，偶有途人，立即縮著身子避開。
△時Evie經過一排死車。
△Pina看不過眼，出現於某汽車倒後鏡之中。
Pina：喂！老蘭我地頭，你私私縮縮，點出唻行呀？咁影衰我架！
△以下鏡頭，視乎拍攝條件，未必固定一塊鏡，可以Evie一邊前行，一邊在不同鏡跟Pina對話。
Evie：咁點？
Pina：放番對手落唻！
△Evie照Pina話放手。
Pina：吸啖氣，挺胸收腹！唔好私私縮縮！
△Evie吸口氣，挺起胸膛，收起小腹！
Pina：顎高個頭，要覺得上天下地，唯我獨尊，大地在我腳下！
△Evie抬起頭來，果然渾身散發一股霸氣！
Pina：繼續向前行啦！
△Evie依著Pina的教導去做，竟散發幾分Pina的味道。
△時Evie再經過另一塊私家車倒後鏡。
Pina：（肯定）咁先啱Feel架嘛！

沒有三個女人一個因的第二十個周日
【Easy在記者面前維護Evie之後】
△警署大房，Pina、Dr. Bean、狄Sir和利記一起等待Easy落口供。
利記：（擔心）Easy落口供落咁耐？唔通真係告佢打人？
△Pina豎起耳朵。
狄Sir：（安慰）聯絡左勞律師轉聘，有你個大狀仔陪埋入去落口供，Easy唔會有事嘅！
△利記得狄Sir安慰舒口氣，Pina也暗裡舒一口氣。
Dr. Bean：Auntie平時咁Elegant，估唔到佢為Evie郁手！
狄Sir：（驚嘆）仲出埋招牌一字碼添！
利記：Easy成日話自己唔識做阿媽，話唔知咩係母性，但佢做出唻嘅野，根本處處見到佢好緊張個女！
Pina：（忍不住反駁）真係緊張個女，真係覺得個女無錯，就唔會夾埋你地諗住夾個女去英國！講到最尾都係嫌呢個女丟佢假啫！同以前一樣虛偽！
狄Sir：因因你誤會Easy喇！佢係同你一齊返英國！佢覺得果邊醫療先進啲，想你過去好好醫病！
△Pina一愣。
Dr. Bean：（不甘）即係唔信我呢啲Made in Hong Kong？
利記：又唔止。（向Pina）Easy想你離開香港，係怕你面對頭先咁嘅場面。講到尾，佢唔想見你受到傷害！
△Pina輕微動容。
狄Sir：（感概）Easy一飲醉就問，點解會生你出唻…其實佢萬般不願意，最終都生左你出唻…除左佢愛你，仲有其他解釋咩？
△Pina內心一熱。
※　　　　　　　　　　※　　　　　　　　　　※
△終於，佳陪伴Easy出來，Easy一臉憂傷。
△Pina剛抬頭看Easy，母女四目交投。
△Easy情不自勝地，不理眾人目光，緊張跑向Pina，撲上前緊緊把Pina抱住！
△Pina在Easy懷抱中，見Easy肉緊環抱，愕然。
Pina：（嘗試掙脫Easy）你認錯人啦！我唔係你個女！我係Pina Colada！
△Pina輕甩開Easy，但Easy重新抱著她，而且抱得更緊！
Easy：你點會唔係我個女？
△Easy摸著Pina頭髮，順著摸到臉頰，真摰地看著Pina。
Easy：（熱淚盈眶，仔細打量Pina）你頭髮、你皮膚、你手手腳腳、你眼耳口鼻…（真情流露）無論你叫Evie定Pina，你都係我痛左十幾個鐘生出唻嘅女！
△聞者動容，Pina終收起冷漠，軟了手腳，任由Easy抱。
△佳、Dr. Bean、狄Sir和利記見證了第一次的母女擁抱。
【同場加映：魔鬼高檢的師徒道別】
△廉政公署總部外貌日空鏡。
△廉署扣留中心會面室，只見Royal和Maman在等，看管人員把神色憔悴、戴手扣的高檢帶至。
△剪輯技巧，副手和徒弟們兩組人前後分別跟高檢會面，但是剪在一起。
△Cut至Dragon和Tiger一組人見高檢反應。
Dragon／Tiger：（見高檢狀態心痛）師父…
△ICAC看管人員在側不干涉。
Dragon：上頭要我地做反骨仔，做你單Case嘅檢控！
Tiger：師父放心，我地已經拒絕左，一定唔會背叛你！
△Cut至Royal和Maman一組人。
Royal：點解師父咁傻？呢啲嗱喳野，叫我地做咪得！
△Cut高檢意氣警誡著。
高檢：（動氣）我係點教你地？我係罪有應得！做檢控嘅職責係消滅罪犯！你地應該強烈譴責我嘅犯罪行為！你地唔咁做，仲想做幫兇？
△高檢的對話對像包括副手和徒弟，Cut兩組人反應。
Maman：（感動）師父為左保我地清白？先自己去以身試法？
Tiger：（不忍）你對我地咁殘忍，要我地大義滅親？
△Cut高檢對兩組徒弟的肺腑之言！
高檢：（難得情真）記住！你地係Department of Justice，正義嘅化身，你地可以執垃圾，可以整污糟對手，但唔可以俾罪惡玷污，你地對手，唔可以戴手銬！
△鏡頭Close Up高檢的手扣。
△Cut兩組人分別動容！
Royal：師父嘅教誨，徒弟終身不忘！
Dragon：銘記於心！
Tiger：我地會不負所望！學以致用
Maman：請師父最後檢定，受我地嘅最後一「碌」！
△Cut兩組人，分別做連戲的特務動作，一一碌走！
△高檢看見副手和徒弟們碌走致敬，感動！
高檢：（感性地）Green comes from blue but excels blue！

沒有三個女人一個因的第二十一個周日
【方以因記者會發言全文】
「呢樣野曾經係不能說的秘密。我介意我家人朋友、甚至唔相干嘅人點睇我，亦怕俾人知會影響我工作…但到今日，我嘅家人同朋友都喺度支持我，我決定唔再逃避，勇敢面對我個病！我係一個多重人格病患者！我企出唻，除左係我對客戶必須嘅交代，更重要嘅係，我病發呢十幾年唻，行左好多冤枉路，我希望話俾其他受到呢個病困擾嘅朋友知，你地唔駛驚，我們唔係怪物，多重人格係有得醫架！除左多重人格，希望其他受到精神情緒困擾嘅朋友，好似我咁堅強，無所畏懼，接受人生嘅高低起跌，悲喜得失，學識擁抱哀傷。」
【同場加映：消失的一吻】
Evie：（情深看Kai）愁擘擘鍾意你，我想知道佢點解咁鍾意你，我想睇下佢有無我咁鍾意你！
△Evie變相承認喜歡Kai，害羞。
Kai：（驚喜）我係咪發夢？越級挑戰成功？再講多次？
Evie：我唔重覆！
△佳隨即Chok樣上前，攤開雙手欲抱貌！
Kai：咁我唻喇！（見Evie沒反應）真係唻喇！
Evie：（硬著頭皮）唻啦！
△Kai開心撲上抱著Evie，情到濃時，情深擁吻。

end
第15个周日不知道是没发还是被吞了 没找着