而近日嘉欣則現身羅馬街頭，並於教堂前拍攝花絮，身穿間條連身短裙的她外披長褸，暗騷白滑長腿，少女味不減，完全不像是3個小孩之母，被網友大讚靚女。
鍾嘉欣演唱會門票秒殺。
她坦言意想不到。
大晒新相答謝樂迷支持。
風騷露腿。

真想不到嘉欣bb行情甘好👍🏻

大马这个奖应该是twice

哇哦

藝人王君馨(Grace)早前分別去了美國的西雅圖及紐約旅行，返港後隨即跟老公Daniel慶祝結婚7周年，更拍拖到餐廳食大餐，Grace於社交網晒相放閃，並以文字向老公表達愛意，她寫道：「7周年快樂！非常感謝我們在結婚7年和拍拖19年後變得更恩愛，很感激有你作為我的伴侶、我的愛人、我最好的朋友和我的抱抱對象！」好友陳靜、連詩雅及姚子羚都留言祝賀，又大讚二人恩愛。Grace早前到西雅圖做布道會，順道旅遊，當地甚多海鮮，大快朶頤，她說：「我同啲弟兄姊妹都食咗好多唔同嘅海鮮，加上呢度好多花、樹木，空氣超級好，所以好舒服，後花園仲有好多兔仔，好得意，嚟之前我都冇諗過呢度咁靚。」她又指最開心是於當地遇到「圓形彩虹」，更興奮表示：「因為聖經入面話彩虹係神對我哋嘅承諾，所以好開心。」
本來她打算之後到洛杉磯、三藩市，但因為要返紐約出席婚禮，時間不許可，坦言相當可惜，Grace謂：「我真係好想去溫哥華、多倫多探吓啲朋友，好似鍾嘉欣、周美欣，我好掛住佢哋。」
好姊妹鍾嘉欣現時正為8月10日廣州「記得鍾嘉欣」演唱會而準備當中，不過適逢暑假，Linda都要留時間陪子女，早前她於社交網PO出演唱會海報，大爆演唱會一秒售馨佳績，她接受東網訪問說:「第一站係廣州，依家自己都做多啲運動，揀歌會揀啲經典歌曲，好多都係Fans鍾意聽，但找又未試過喺台上唱嘅歌。造型方面我都想花啲心思，想靚啲見大家，我好感恩，以前有好多7、8歲嘅粉絲，依家都已經20幾、30歲，希望大家可以同我回顧番之前20年嘅回憶，聽歌嘅時候回味昔日啲開心時光。（會否做巡演？）希望啦！希望廣州之後可以做多幾個地方。」

气死咯，开到一边的视角的票 有点不想去了

靚媽鍾嘉欣今日出席保險活動，開心share早排因為老爺80大壽而闔家歐遊嘅趣事，仲自爆趁老爺奶奶湊三個小朋友返酒店午睡，可以同老公去希臘小島二人世界，So sweet！
嘉欣表示今次會stay喺香港一段時間，準備8月嘅廣州演唱會，為免老公同小朋友Jetlag完又Jetlag，同埋唔想分心，謝絕家人捧場咁話！講到門票極速售罄，嘉欣即刻「少女Mode」尖叫：「1秒呀！我初頭好怯，我好似out咗10年，有冇人嚟㗎？」喂呀！咁True得唔得㗎？
講到「最佳拍檔」林峯都宣布9月喺澳門開騷，嘉欣又再「常在心」上身話好想睇，仲想同「Alfred」合唱《溏心風暴》片尾曲《心領》，omg，有聲㗎！呢單合作真係唔使急最緊要快呀！

鍾嘉欣今日（22/7）現身尖沙咀出席產品活動。鍾嘉欣受訪時透露，現正積極備戰8月廣州個人演唱會：「呢排不斷咁鍛鍊好自己個身體，同埋背緊歌詞練緊舞。而今次返嚟都係一件好事，始終都係我第一場騷，咁所以我係好希望做到最好。同埋自己都有好多目標，都好想可以喺香港開騷。（門票開售火速賣清！）其實你哋知唔知，我係好怯。喺未賣之前，我心諗死啦，我好似已經Out咗成十年，究竟有冇人嚟㗎？當時真係好驚唔係講笑。但到咗出嚟之後，竟然一秒賣晒，嗰吓自己都唔敢相信。然後個心定返落嚟，我就同自己講，無論售票理唔理想都好，都唔會影響到我嘅表現。」

鍾嘉欣望掌握理財先機　化身子女人生導師　為未來做好規劃
富通保險今日﹙22日﹚正式改名為周大福人壽，並舉行記者會，邀請得藝人鍾嘉欣任活動大使。新品牌以湖水綠色為主色調，象徵生命之源及源源不絕的生命力，鍾嘉欣也以湖水綠上衣及短裙出席。
富通改名周大福人壽有助吸客
她表示，周大福品牌大家都認識，雖然自己出身及成長都在加拿大，但有華人的地方都會認識該品牌。這個百年品牌已經是高品質象徵，認為絕對有助提升保險公司的品牌形象及信譽，吸引更多客戶。
周大福人壽並同時推出一站式生活平台「周大福人壽•生活圈」會員計劃，會員可按不同級別享受周大福集團多元業務體系不同業務單位的生活禮遇，包括酒店、餐飲、教育及健康服務等。
希望與子女來港參加保險活動
鍾嘉欣分享，自從成為媽媽後，不斷學習新事物，總想成為孩子的人生導師，而現時的保險產品除了全面保障外，原來還能提供如此多元化體驗，好適合她自己和子女參與。
她有三個子女，最大的就快8歲，目前正值暑假，她希望，與他們來港參與周大福人壽不同的會員活動，寓學習於娛樂，又可以增進親子互動，還可讓父母掌握理財先機，為孩子未來做好規劃。
對於未來計劃及目標，她表示，8月將在廣州舉行個人演唱會，長遠目標是希望投放更多心血及時間培育子女，讓他們在健康、安全及快樂的環境成長。

鍾嘉欣今日（22日）出席某保險公司活動，嘉欣身穿短裙亮相，她表示有為3位子女買保險，並自稱是家中財政大使，因老公比較隨性，而她則比較緊張。另外，她剛與家人歐遊3個星期，慶祝老爺80歲大壽，感謝奶奶安排眾多親友同行。不過嘉欣卻笑言3個星期旅程湊仔好辛苦，她說：「我同老公好似做咗『阿四』，返到屋企謝晒，需要多一次旅行，所以今次係自己嚟可休息。」嘉欣又指旅程令她曬黑，尤其腳指和手臂像曬燶，而歐洲之旅參觀很多建築物及街市，笑指街市包羅萬象，青蛙、曱甴外形糖果都有，又品嘗美食令致增磅。
嘉欣希望全線回歸，主持、舞台劇、電影、奸角、打女乜都得。
由於嘉欣將於8月在廣州舉行演唱會，她指旅程拖慢了演唱會的鍛練，現時要加緊訓練。談到她在社交網大騷健身腹肌成果，她笑指是陰影，希望明年能操練到運動員般強勁，自言十多歲時是自然有腹肌。會否在演唱會騷肌？她卻說下次吧，仍努力當中，又希望能在香港或其他地方開個唱。她指老公和子女不會去廣州看她演唱會，不想他們旅行後又再經歷時差，她應承再下次演出讓他們看到她勁爆全城。
嘉欣卻笑言3個星期旅程湊仔好辛苦。
嘉欣坦言等了這次開個唱機會已久，直說：「由結婚開始有啲傷心，傷心唔係因為結婚，係突然消失，作為粉絲偶像和role model係有責任。點解我唔做小學教師，做表演者因為影響更多生命，我突然走咗佢哋會唔開心，所以我上返台。（歌唱回歸？）成個線回歸，乜都得，主持、舞台劇、電影、奸角、打女，幻想就會變成真實。」

00:05

【明報即時】鍾嘉欣完成家庭歐洲之旅 宣布全面復出 備戰下月廣州個唱
鍾嘉欣宣布婚後全面復出，除唱歌外，還盼做主持﹑拍戲及演舞台劇等。（鍾偉茵攝）
鍾嘉欣今天（22日）到尖沙咀出席保險活動，她表示剛完成近1個月家庭歐洲之旅，終於有機會獨自返港工作，並準備8月廣州演唱會，她亦宣布婚後休息至今，決定全面復出。
鍾嘉欣指今次能集合整個夫家家庭旅行，要感謝老爺80歲大壽，奶奶準備整年完成老爺的願望，她說：「其實旅行日日湊仔都幾辛苦，係另一個學問，又搭飛機又坐遊輪，我同老公好似做『阿四』咁，返到屋企謝晒！」
她指今次獨自返港當休息，旅行時不但吃到不敢磅重，連腳趾和手臂都曬燶，她說：「我應該要鍛練身體準備演唱會，但旅行時又唔好意思獨自走去練歌，鍛練進度係慢咗啲，𠵱家要畀心機。」
鍾嘉欣笑稱之前發布騷腹肌照片，其實只是陰影，問可有機會演唱會騷腹肌？她說：「呢個係我其中一個夢想，可能下年大家會見到我變咗運動員身形，其實有機會，因為我細個自自然然有腹肌，下次先啦！」
她表示子女不會到廣州看演唱會，怕小朋友有時差，她說：「子女寫咗張卡畀我，叫我加油，我都應承佢哋呢個復出第一個騷，會做到最好，到下次佢哋嚟睇騷，覺得媽咪勁爆全場。」
鍾嘉欣表示著眼的不只是下月廣州騷，想得很長遠，有信心下次會返香港、上海或美國開騷，她說：「雖然未計劃，但幻想先會變真實，我由結婚開始有啲傷心，傷心唔係因為結婚，而是突然間消失咗，作為粉絲們嘅偶像，覺得自己有責任，我突然間走咗，覺得佢哋會唔開心，所以我要上返台，做好佢，大家一齊回憶。」她表示所有工作都全面回歸，除唱歌外，還包括主持、舞台劇、電影，甚至演打女或奸角。
（即時娛樂）