[好心作怪]每集开篇语以及结束语粤语版

第一集：心脏，系人体最重要噶器官，不过好多人，都唔系咁注重心脏噶健康。其实心脏透过好多唔同噶方法每日同大家讲紧野，例如，突然好似顽皮噶细路咁，乱咁跳，又或者，好似有自虐噶不良少年咁，令你隐隐作痛。可惜，一般人都系好无心肝噶，唔会留意，心脏俾你噶征兆，亦唔会听下自己噶心声。咁大家噶心声系乜？除咗得到健康之外，仲有乜？满足人心？其实平日所讲噶野，系咪代表心里面真正所lin冧噶野？咁点样，先可以摸透人噶心呢？点样让坏心肠噶人，揾翻失去噶良心？

第二集：如果，你死过翻生之后，你会对人生有乜唔同噶睇法呢？放低名利，转去做个好人，导人向善呢？定系，觉得个天对你好唔公平，因而变的更坏，到底，经历将个心噶本质改变？定系呢个先系真正噶我呢？

第四集：人好中意plan定将来做D乜野，但最讽刺噶系，冇人会知道，死神几时嚟探班。所以好多时候，plan咗就等於冇plan。

第六集：对於一条生命噶结束，唔同人有唔同噶睇法，有D人认为，人死如灯灭，所以系佢地噶角度，死就系失去一切噶意思。但系放开D冧，其实又唔一定噶喔，或者，离开我地噶人，只系换咗第二种方式，系呢个世界。例如，将器官捐赠出去，延续其他人噶生命。只要心有爱，精神尚在，死亡，就冇真正带走过去，仍然摆系大家心里面。只系你地太伤心，一时间未发现到喈。

第七集：当人系最低潮，最绝望噶时候，你噶心，会冧紧乜呢？有希望，定系冇希望？你问我，死咗都可以令他人重生，点可以唔信呢个世界，绝处系可以逢生？

第八集：人噶心，很细，一只手就握得晒。不过人噶欲望就可以很大，正所谓：人心不足蛇吞象，上得床来掀被盖，你同我都系咁噶啦，心照啦。

第十一集：爱情，系唔系盲目噶呢？我冧，如果有机会俾我捡，我会点选择呢？我会捡翻一个同以前完全唔同嘅，定系好似有D人咁，中意开某一type，就一直死心眼落去，结果有其他更好噶人擦身而过，佢都会视而不见。

第十二集：响世界上，冇两个相同噶人，就算系孖生，都会好唔同。况且仲要两个背景，生活态度，以至对事物噶睇法都有唔同噶男女，结成夫妻一齐生活，究竟系享受啊，定系受罪？哈，夫妻之间，到底无谓噶尊严重要啊，定系感情重要呢？

第十集：你点解会中意一个人？样貌？一场火，可以令佢毁容。才华？佢有机会江郎才尽。性格？人会变，月会圆。其实讲乜都系假，爱情最紧要心领神会，心灵相通。

第九集：好多人都话，想忘记以前D事，重新开始。不过，你有没有冧过，一个冇过去噶自己，仲系唔系自己？其实人真系很矛盾，一方面，又好想忘记以前噶事，一方面，又好惊唔记得晒以前噶事。

第五集：世事无常，生命更加无常。上一刻，你系一个拯救生命噶医生，下一刻，可能你会因为以外，变咗被救噶伤者。

第十三集：人，系会随住时间，环境同埋遭遇去改变，但系当你系度改变噶时候，你身边人噶步伐同你唔一样，咁呢个改变，系唔系好事呢？

第十四集：自杀，能解决到问题乜？要学识面对痛苦，唔系逃避同忘记，而系学识接受同跨越。痛苦同快乐，都是生命噶一部分，只要克服得过，人就会变得更加坚强。