【杂志】cover face 及时爱 Mandy Lieu

你以为做model生活多姿多采五光十色日日新鲜，实则镜花水月，点及爱情咁永恒！
更何况MandyLieu姓刘，自细在杨紫琼故乡怡保长大，广东话叻过陈法拉，根正苗红very Chinese！所以想法同一般东方女仔冇分别。假如有分别，只系你有冇佢咁浪漫！例如她最爱跳瀑布、在ifc扭男友抱抱、一上的士就咀咀……埋单讲句，就系「这个世界随时都要崩塌」，所以Mandylieu选择live for today。
「我开心，开心就乜都得。拍拖对心情好有影响，每个人都会啦。以前钟意睇人做多，一个人食，一个人行街，依家多一个人行旁边，成个世界……都一样，例如香港都一样咁靓啦，冇再靓。不过，唔同感觉。因为多一个观点，以前只看到一方面。」

留念
「拍婚纱相？好呀，留念都好。我系『活在依家』，唔知将来会点，同边一个结婚，所以试影又无妨。」
MandyLieu话自己细个生活好闷，记忆中就只有钢琴、芭蕾舞、阅读，其他？冇乜。
「我学钢琴，原因和别人好唔一样。妈咪每次出差，都会买一份礼物俾我，有次买一个细钢琴，我好钟意，玩一阵就不停扭计话我要学琴我要学琴！开头妈咪以为我三分钟热度，后来我日日扭计，就知我系认真。
「我三岁开始学，学到……（十几岁？）唔系，学到我教钢琴为止，因为我学晒咁多级，考埋演奏级。」
有得必有失，所以MandyLieu 只会「记得」细个住在怡保时，家门外那个大playg round，但就完全冇「玩乐」之记忆。
Mandy Lieu「但我系enjoy学习，我钟意学多过去玩，另外要练ballet。我钟意睇人玩，由细到大都系。」

耐性
「我真系钟意音乐，我enjoy弹个过程，亦enjoy弹到出种声音，你要好有耐性，后期我每日弹八个小时，sonata唔系弹一阵就识，你唔钟意肯定弹唔到。」MandyLieu

2003
MandyLieu初出道即与星爷合拍生力啤广告，令知名度大增。《FACE》图片

_2007
MandyLieu在旺角朗豪坊出席活动时正牌男友陈柏霖突然探班，结果翌日轻易上娱乐版头条