【慈善不能屈】
贫贱不能移，慈善不能屈。
在街边买枝旗，助养儿童，捐钱给希望工程，帮忙卢旺达濒死的人，都可以从容就屈。反正是真金白银帮得到真人真事。
但慈善活动，多少娱乐节目的广告收入假慈善之名而得嚟，除咗有关主办单位雇员之外，不相干人等岂容轻言受屈呀。
连部门与部门之间都不适宜越界而屈。嗰时仲喺电视台工作。一年一度大型公益节目总唔少得主题曲，制作部搵我填词，且希望系免费嘅，因为公益，人人都应出力。
出力可以，出力为电视台应该出嘅钱就无必要嘞。我收嘅是节目部嘅人工，嗰D人工又唔系要来比填词费嘅，点解要同制作部免费工作，慈善系伟大嘅，但专业尊严亦都系一个响当当嘅名堂。
将那些填词费作为慈善用途系可以嘅，但唔该先比我应得酬劳。
如果真正齐心为公益的话，可唔可以叫有份参与制作慈善骚的员工该月份都唔攞人工呢？可不可以做主题曲音乐的自己攞钱付录音室租？不可以的话，为什麼填词是可以免费的？咁自然因为填词唔须要直接成本，特别适宜做善事，舞文弄墨的沾了一点艺术的光，一讲钱就降格嘞。
只有我这个市侩，在慈善面前都无破戒。但如果写字的都不懂得写支票，恐怕都要靠公益金过活了。这样子你帮我我帮你，还有谁肯奋斗？都变成有慈善特色的社会主义了。