江华之前接受本报访问时透露加入保险业，不过佢强调自己同其他人唔同，佢主要唔系叫人买保险，佢目的系想主动认识更多朋友，此言一出就瞬间奏效。
噚晚江华陪太太麦洁文到圆方出席《未来战士：创世智能》首映，江华表示太太偶像系阿诺舒华辛力加，所以每一出阿诺嘅电影，佢都会陪太太入场欣赏，江华被问到发展中嘅保险事业时，佢兴奋报喜：「唔讲唔信，之前有一日我走出屋企门口整车嘅时候，有人搵我买保险，佢问我：『江生，可唔可以帮我买保险？』感激大家支持，同埋o依家全世界都知我住边，屋企变咗旅游景点，有日又有一对男女企喺我架车影相留念。」
江华转职做保险，但佢仍然未有放弃幕前工作，仍会继续投资电影同拍戏，曾经喺无线风光一时，江华被问到会否重返大台拍剧，佢笑笑口话：「我边有本事，TVB咁多猛将，佢哋好多人，我怕拍剧辛苦，系呀！我冇咁嘅能力同本事，不过，价钱好可以倾吓，讲笑啫！」之后，江华又自爆入电视城做访问时巧遇汪明荃，佢话：「阿姐问我几时返嚟拍剧，我话同佢拍我就拍，都系讲吓，其实我同佢一齐唱歌做节目都得。」
噚晚江华陪太太麦洁文到圆方出席《未来战士：创世智能》首映，江华表示太太偶像系阿诺舒华辛力加，所以每一出阿诺嘅电影，佢都会陪太太入场欣赏，江华被问到发展中嘅保险事业时，佢兴奋报喜：「唔讲唔信，之前有一日我走出屋企门口整车嘅时候，有人搵我买保险，佢问我：『江生，可唔可以帮我买保险？』感激大家支持，同埋o依家全世界都知我住边，屋企变咗旅游景点，有日又有一对男女企喺我架车影相留念。」
江华转职做保险，但佢仍然未有放弃幕前工作，仍会继续投资电影同拍戏，曾经喺无线风光一时，江华被问到会否重返大台拍剧，佢笑笑口话：「我边有本事，TVB咁多猛将，佢哋好多人，我怕拍剧辛苦，系呀！我冇咁嘅能力同本事，不过，价钱好可以倾吓，讲笑啫！」之后，江华又自爆入电视城做访问时巧遇汪明荃，佢话：「阿姐问我几时返嚟拍剧，我话同佢拍我就拍，都系讲吓，其实我同佢一齐唱歌做节目都得。」
