關於呢個內容，我喺貼吧發咗一次，見冇乜嘢效果，過咗幾日我就刪咗個帖。
又過咗幾日，我個朋友問我張貼發咗未啊？需唔需要幫手啊？
佢希望張帖可以畀學緊粵語嘅人學到啲嘢。所以我又重新噉整下我嘅思路，諗住重新發張帖。
寫呢個帖，主要係因為香港語言學會嘅呢個粵拼方案係好科學㗎，所以我就諗住寫呢個帖方便啲人學習粵拼。
我嘅建議係噉樣嘅：
一、建議多啲粵語母語者學下香港語言學會粵拼方案，對粵語語音嘅細節了解多啲，方便教細路仔或者學緊粵語嘅人點樣喺手機或者電腦等等入面輸入粵語文字。
二、粵語已經有咗粵拼呢個咁好嘅拼音方案，之但係喺iphone手機入面直到而家都冇粵拼鍵盤，真係出奇！喺Android手機入面可以用Google公司嘅粵語輸入法，但係功能唔全，譬如冇編輯功能：如果拼音輸錯咗，需要刪除已經輸入咗嘅拼音重新輸過。如果大家得閒嘅，都關注下呢個情況，睇下有冇方法可以解決到呢個問題，特別係喺iOS設備上冇粵拼輸入功能嘅問題。而家喺PC（個人電腦）入便都可以用「小狼毫」呢個輸入法使用粵拼輸入粵語文字，都几得意以㗎。
三、希望粵語母語者學識用正確嘅粵語文字，令學緊粵語嘅人習慣睇粵語文字先。