小故事 大男孩 王宗堯 張建聲

提起王宗堯，總離不開「男神」二字，而靠「向西仔」響朵的張建聲，現在應該叫「踎監男」。幾年前兩人還是無名的小伙子，今日他倆行出街，你總會叫得出他們的名字。

有趣是眼前的男神王宗堯，是個愛咬冰塊的大男孩，而自言曳到冇朋友的張建聲，誓言要做個有承擔的真男人，兩個同是年屆三張幾的男演員，沉醉於電影世界裏，且掙扎求存中，這天他們排排坐，訴說自己的故事。

撰文：Ling Lo
攝影：Eddy
化妝：Elaw Wong@The look（王宗堯）、Florey Leung （張建聲）
髮型：阿Hei @Xenter （王宗堯）、Simm Lui@La mod salon （張建聲）
服裝：Levi’s （王宗堯）、izzue @I.T （張建聲）

王宗堯和張建聲，兩人的共同點都是當模特兒起步，再踏上演員之路，近日他們為新片《壹獄壹世界：高登闊少踎監日記》馬不停蹄做宣傳，張建聲更博到盡，在流動囚車度過了3天，搞到一度有幻聽和幻覺，但這種壓力也只是過程，張建聲說：「今次部戲我由148磅增磅到200磅，依家減番去154磅，增磅減磅對我嚟講唔辛苦，因為自己做開Gym，反而係當時嘅身形，拍動作戲會好吃力，拍幾拍就氣喘 。」

女神No Way
身為家中大仔的王宗堯，慶幸沒有家庭壓力，他笑言幸好兩個弟弟爭氣，夠踏實，張建聲更說試過窮到得幾十蚊，他說：「以前細個跌咗咪跌咗囉，30幾歲開始諗，父母都老，自己都要結婚生仔，有冇機會上車呢？到依家好珍惜，每一蚊都要使得有價值。」說到將來搵另一半，兩人都不約而同話唔要揀「女神」，王宗堯說：「我好認同劉青雲嘅講法，演員好似困住喺太空船咁，如果有一個人可以拉番你返嚟，仲喺度等緊你，嘩！仲唔係佢？但係依家係個速食年代，所以『郭藹明』都幾難搵。」而張建聲則說：「以前自己乜都試過晒，自己目標做個有承擔嘅男人，但我唔會搵靚女，反而想搵個襟睇又可愛嘅賢妻。」他更透露和拍拖多年的女友，正朝着這個目標進發。

http://www.metrohk.com.hk/index.php?cmd=detail&id=279732