2016.10.20 《One Plus》
拍住馬明升呢做男二 胡鴻鈞緊張到發燒
一放飯就默默讀劇本，今次Hubert 胡鴻鈞終於有機會喺新劇《降魔的》做男二，見佢一副認真到爆嘅樣，睇得出佢落足唔少功夫喎！
10年參加《超級巨聲2》勇奪亞軍而簽約無線嘅胡鴻鈞，憑翻唱《化蝶》一曲而為人熟悉，平日都有係網上post一啲自彈自唱片keep 住人氣，唱功有返咁上下，但姿整嘅佢成日俾人話整容，網民仲封佢做「孝子」，更話同陳柏宇直頭餅印一樣，唔通想效法「孖生阿哥」做「隱世歌王」？
大台唔知係咪聽到網民嘅聲音，安排佢係重頭劇《殭》到做「殭屍仔」，同關禮傑結父子緣，攞正牌做孝子，一班師奶觀眾肉緊到當正佢係自己個仔咁！「杰仔」形象入到屋，事業開始撈起，大台又點會放過佢，喪唱主題曲，聽到觀眾都認得佢把聲， 曝光率增自然出show 機會多咗，大台乘勝追擊推佢做男二，拍住馬明捉妖，劇中唔少打鬥戲訓身搏到盡，一啲都唔錫身！
但唔知係咪因為首次擔正太大壓力，胡鴻鈞開劇前仲搞到發燒入院，老友鬼鬼嘅坤哥仲帶埋枝酒去探病，唔知攞景定贈興呢？哈哈！依家做歌手真係唔容易，《壹》仔係度俾個like你先！
拍住馬明升呢做男二 胡鴻鈞緊張到發燒
一放飯就默默讀劇本，今次Hubert 胡鴻鈞終於有機會喺新劇《降魔的》做男二，見佢一副認真到爆嘅樣，睇得出佢落足唔少功夫喎！
10年參加《超級巨聲2》勇奪亞軍而簽約無線嘅胡鴻鈞，憑翻唱《化蝶》一曲而為人熟悉，平日都有係網上post一啲自彈自唱片keep 住人氣，唱功有返咁上下，但姿整嘅佢成日俾人話整容，網民仲封佢做「孝子」，更話同陳柏宇直頭餅印一樣，唔通想效法「孖生阿哥」做「隱世歌王」？
大台唔知係咪聽到網民嘅聲音，安排佢係重頭劇《殭》到做「殭屍仔」，同關禮傑結父子緣，攞正牌做孝子，一班師奶觀眾肉緊到當正佢係自己個仔咁！「杰仔」形象入到屋，事業開始撈起，大台又點會放過佢，喪唱主題曲，聽到觀眾都認得佢把聲， 曝光率增自然出show 機會多咗，大台乘勝追擊推佢做男二，拍住馬明捉妖，劇中唔少打鬥戲訓身搏到盡，一啲都唔錫身！
但唔知係咪因為首次擔正太大壓力，胡鴻鈞開劇前仲搞到發燒入院，老友鬼鬼嘅坤哥仲帶埋枝酒去探病，唔知攞景定贈興呢？哈哈！依家做歌手真係唔容易，《壹》仔係度俾個like你先！
