170504 | 【韓流】孔子後人合體 孔劉孖孔孝真中環食牛肉麵
韓劇《鬼怪》男神孔劉今日襲港，準備為後日喺亞博館舉行粉絲見面會，之前孔劉去台灣就全程匿埋喺酒店冇出嚟，不過嚟到香港，孔劉就趁機出去食飯。
大約到晚上7時45分，孔劉從下榻嘅紅磡嘉里酒店出發，而佢出車時分兩轉出車，合共有成七架車，估計孔劉與工作人員出外包場用膳。而孔劉架車就直駛到中環歌賦街麵三館食晚餐，間店舖唔算好大，以食廣東菜為主，以牛肉都最出名。不過可能孔劉嘅粉絲層以成熟女士為主，所以現場就未見有粉絲守候。
原來曾經同孔劉合作拍《餅乾老師星星糖》嘅孔孝真都有秘密來港，佢之前已喺Instagram透露自己飛咗，原來孔孝真飛來香港見孔劉，估計孔孝真喺擔任孔劉見面會嘅神秘嘉賓。而眾所周知，孔劉同孔孝真都係孔子後人，加上兩人合作拍劇拍廣告，所以十分老友。
（cr.苹果即时）