此貼係一個粵語學習者用於向粵語使用者請教用嘅，唔好發啲無謂嘢，唔該晒。
嚟咗粵語吧廿零日，以前未玩過貼吧，唔曉規矩，畀吧主屏蔽咗好多發過嘅主題貼，理由係刷屏，諗諗下吧主嘅做法係啱嘅。其實我應該專登做一個主題貼方便熱心嘅吧友解惑嘅。
以前唔知樓主层主係可以刪除回覆嘅，導致好多嘈交嘅內容喺回覆裏面，此貼內如果有人寫啲同問題無關嘅嘢嘅話，我會刪除嘅，避免啲無謂嘢留响呢度。吧入面有啲人好鍾意去話人哋，其實講粵語嘅地區咁多，有少少差別好正常啫，各自發表啲自己嘅睇法，存同求異，何必日嘈夜嘈呢。
我以前係江西人，而家轉咗户口喺深圳，學粵語嘅目的係為咗教識我嘅細路講一種方言，方便去理解語同文，同埋用兩套語言默書可以減少記錯字嘅可能。我細路喺深圳出生同埋成長，好少返去江西，就唔打算教佢江西嘅方言嘞，而家仲未開始教佢粵語，等佢讀完一年級考完期末嗰啲拼音先，免得學粵語拼音同漢語拼音搞混淆咗，點解要教粵拼呢，冇辦法，冇語言環境嘛，唯有同我細個時學普通話一樣噉學粵語囉，順手學埋繁體字。
我學粵語就嚟半年嘞，而家嘅水平係識粵拼，聽嘅話就冇乜大問題，2、5聲同3、6聲聽唔出區別，講嘅話就要組織下語言先，做唔到脱口而出，粵語嘅語法都仲未習慣，仲係一口普式粵語，因此講出嚟自己都覺得怪怪哋，睇劇時有啲普通話入面冇嘅詞彙，有啲憑住發音去查詞典又查唔到，就去買咗啲用粵語口語寫作嘅香港漫畫書，內地噉嘅書未揾到，呢啲書亦都將係我教細路嘅教材。
我周圍嘅話呢，啲識講粵語嘅朋友同事平時都係講普通話嘅，基本冇咩交流環境，有時問佢哋啲粵語方面問題亦回答唔到，因此嚟到呢個吧。
最後，喺度講個身邊嘅古仔畀大家聽，我隔籬屋個細路，父河源人，母茂名人，父母都識講粵語，後尾父母離咗婚，跟咗阿媽，佢話佢讀幼兒園之前係講粵語嘅，佢啱開始讀幼兒園仲係唔係好識講普通話添，講出嘅嘢老師同學仔都唔係好明。而家三年級仲識講嘅粵語已經好少嘞。點解呢，因為學校冇咗語言環境，返到屋企同佢阿媽講呢，個音講歪咗佢阿媽就笑佢，慢慢哋佢就唔同佢阿媽講粵語嘞。呢個細路有時會嚟我屋企搵我嘅細路玩，有一次，睇到我喺度睇粵語劇時翻詞典，就同我講咗呢件事。
寫咗咁多，最後嘅最後，多謝以前幫助過我嘅吧友，多謝你哋嘅詳細講解。
ps:推薦新學粵語而且打算學通嘅朋友下圖兩本書。