2010.01.27
朝头早翻到公司，有一个人向你迎面而来，你向佢示意下，但结果，佢就当你人影对你视而不见，我相信呢个经历你一定试过，甚至乎试D多D。有咁个情况发生之后，你点做呢，我相信就算你唔系一个多心嘅人，亦都好明明知道佢唔锺意你，但呢个时候，你冇嘢可以做，俾上我嘅话，我就只能够再俾自己一个微笑。当然，如果佢喜欢你嘅话，你会觉得好高兴噶，因为俾其他人喜欢系一件好舒服嘅事，但重点在于佢唔喜欢你嘅话，你都应该觉得冇咩所谓。因为你都知道，往往佢咁样做系佢嘅问题而唔系你吖，因为一个人喜欢或者唔喜欢另一个人嘅理由系纯属各人。所以冇任何人有义务嚟度去承担其他人嘅负面情绪，而你如果因为佢嘅冷淡亦都唔喜欢佢嘅话，咁样，你就喺度承担紧佢嘅负面情绪啦，所以你应该点做呢，你应该一笑置之。


2010年1月28日
2分钟----因为我哋经常会学习紧点样要去（容人自谅），但系喺学习紧容人自谅嘅同时，可能都需要学习下点样要（容己自谅），好多时候我哋做错事，我哋唔能够原谅自己，一直带住呢一个错误耿耿于怀嘅心，一直去到终路，咁样浪费著生命里边，咁真D有少少唔抵。好啦，2010年1月28号星期四嘅晚上，今日我哋会提早为听日生日嗰位朋友庆祝生日，呢位朋友俾喻为有中国人嘅地方就有佢歌声嘅朋友，佢名字邓丽君。听日就系佢生日，继续同佢预祝，皆因为听日有中文歌曲龙虎榜，所以今日预先为佢庆祝。
------（容人自谅），（容己自谅）？

2009年9月14日
2009年9月14号一个八号热大气旋警告信号(深考)当中嘅星期一嘅晚上，一个XX打到嚟，又打乱晒我哋嘅交通，打乱晒我哋市民嘅计划，又打乱咗我嘅音乐情人嘅开场白（哈哈），听到打风我完全冇心情去准备今晚节目开始一般往常都有嘅开场白。我净系谂到以下呢几个字，就系何必偏偏选中我，偏偏选中我继续一齐陪你过风。唔系第一次噶啦，好多次喺节目当中曾经试过喺节目开始以前或者开始之间，总之喺节目时间里边就改啩，风头改8号啊等等，我都唔知几多次，今晚喺节目开始之前就已经有啦。所以今晚嘅节目啦，仍然会充晒住好多嘅风暴消息啦，但系依然能够揭晓嘅听下好听嘅歌曲。未听歌之前呢，都要同你讲一讲咩咩消息嘅，，，，，（听唔明啦）
------网址 http://tieba.baidu.com/p/643263399 信号(深考)


2009年10月29日
只喺一步之差嘅距离，你就从阳光嘅领土踏入滂沱嘅雨地里面。人生中总系有仲咁意外嘅时刻，唔知道咩时候会突然之间进入咗乌云嘅世界范围，迎面而来嘅冰冷同幽暗总系喺一瞬间令到你措手不及，同埋呢个时候，你究竟系倒退翻翻到原来嘅阳光属地，定系继续无语向前行，但系乌云嘅面积已经越来越大，你好难回头，更加停滞不前都唔系办法嚟噶。更于是，你就低头往前行，调整一下你嘅心态，做好同大雨同行嘅准备。正正如此，突然之间又只系一步之差嘅距离，你又从滂沱嘅雨景踏入翻阳光嘅属地，唔知咩时候，你已经走出咗头顶上边嗰片乌云嘅边盖。人生亦都不过只系咁样，从一片云去到另外一片云，从上一个阶段走到下一个阶段，而你永远都唔会知道，到底咩时候会遇见发光嘅云，又喺咩时候会遇到落雨嘅云。最重要嘅系我哋必须用紧无惧咁样向前行，走过每一场光同雨，走过每一片云之下。
------网址 http://tieba.baidu.com/p/661775544

2010年10.8日
眼前嘅呢件事睇喺上嚟千头万绪，乱作一团，令到你心乱如麻。你话，你曾经尝试过好多唔同嘅方法嚟度去解决佢，结果呢，只系越做越乱，越缠越紧。容许我卑小小意见啦，或者喺企图改变呢件事情之前你应该先试下改变你自己，变你自己看待呢件事情嘅角度，卑自己一D正面嘅思考，亦都卑其他人一D正面嘅信息，跟住落嚟尝试松开你嘅心，唔带住任何情绪咁样嚟度看待事情嘅进行。并且最重要，相信奇迹，你冇听错，系吖，系奇迹，亦都系一个极为平凡嘅一个道理，只要你以正义嘅角度嚟度看待佢，佢就都会以正面嘅结果嚟度回应你。
------网址 http://tieba.baidu.com/p/911038195

2009年10.30日
有一日，你有感而发问咗我一个问题，问题系，点解过去嘅快乐想留都留唔住咁噶，而我嘅答案就系，我带你去做个试验，呢个试验嘅地点喺沙滩上，所以你同我一齐到沙滩，散步之余兼做呢个实验。去到沙滩你尝试摞起海边嘅沙，系，就咁摞去嘅，跟住你尝试几时睇下喺你手里面嘅沙可以停留喺你手上几耐时间呢？试验话俾你知道，手中嘅沙一分钟都唔会停留住咁样就从你嘅掌心以及手指漏洞中流逝咗，但系，你嘅手心里仲有住沙嘅感觉，但系就冇沙嘅实体，答案就喺呢度。就好似你心中总留住过去嘅回忆，但系回忆并唔能够留住过去一样，唔单止过去嘅快乐留唔住，甚至乎过去嘅悲伤都留唔住。请谨记，过去嘅一切就犹如手中嘅沙一样。
------网址 http://tieba.baidu.com/p/662357421


2012年1月10日
今晚你嘅心好唔平静，你不断咁嘛听见无数嘅自我不断咁样分裂嘅声音，而佢哋就一直喺度（碎碎不郁咁样捞祰），每执喺呢个时候你应该搵一张可以将你坐住舒服嘅凳，搵一个靠近窗口嘅位置，以一个放松嘅姿势，慢慢咁坐低，然之后摞开收音机，坐低由你嘅视线追随漫游嘅幻影，坐低由你嘅耳朵追随住音乐情人里面所播出嘅音乐嘅节拍。于是，你会睇见呢一刻嘅风起云涌可能就系下一刻嘅风流云散。喺风同云之间，冇咩能够固定，所见到嘅一切都系无常，一切都系无常。所以，你咪笑咁样眯埋上眼，跟住感觉到心里面都已经平静落嚟。
-------网址 http://tieba.baidu.com/p/1362798813 （碎碎不郁咁样捞祰）？

2012.01.19
想讲“系”嘅时候，就要坦白咁嘛样讲----“系”；想讲“唔系”嘅时候，就要用咁样嘛讲----“唔系”。因为言不由衷只会让事情嘅走向偏离咗我哋真正嘅期望，而口是心非更加系往往会带来一D好麻烦嘅结果，可以唔想窥出咁样真正表达自己嘅心意，呢一个系生而为人最根本嘅自由。当你唔想讲“系",亦都唔想讲"唔系"嘅时候，请保持沉默，乜嘢都唔好讲，呢样亦都系你应该使用嘅自由嚟噶。
-----网址 http://tieba.baidu.com/p/1385875953

2009年9月16日 有时听边度，香港电台第一台
我哋经常会因为时光过D太快而感到恐慌，亦都会经常因为荒废岁月而感到悲哀，面对住旁人嘅要求同埋自己嘅期望，但你往往不知如何选择。夹杂喺工作同私人情感之间，我哋总系觉得不知如何是好。于是，置身喺纷乱嘅生活里面，我哋嘅心就乱上加乱。而平息哀怨亦系得到快乐嘅秘诀之一，就系喺有限嘅时间里面选择先做我哋喜欢嘅事情，（既系排明晰先后最啦）。因为只有喺一样一样咁样完成咗佢之后，我哋先至会一日比一日更加喜欢自己。试想想，如果今日嘅你唔能够比昨日嘅你更加喜欢自己，咁样明天对于你嚟讲又有D咩意义呢？
-------网址 http://tieba.baidu.com/p/643968444 （既系排明晰先后最啦）？

2009年10月28日
我今日将个车（泊）喺一颗大树下边，几个钟头又去摞车，发觉成个车头都系落叶,令我谂到，每一块叶总有一日要离开佢栖身喺嘅枝头上边。同样D,我哋都可能会隔段时间就要告别一个地方一个工作岗位或者一个人。就好似花同树从来都唔会相（拥搂）一样，咁样，当离别嚟临嘅时候，我哋亦都无须遗憾或者（感慨）。花同叶嘅离去只不过系同四季嘅轮回与流转，你嘅离去亦都净系自然咁跟住生命嘅节奏嚟走，风嚟啦，花落咗，时间到啦，你应该走啦。一（夜)落花冇任何嘅牵挂，当转身之后你亦都要学习嗰份完全嘅放手，然后呢，然后你就会感觉到乜嘢叫作真正嘅自由。
-------网址 http://tieba.baidu.com/p/661383049 （泊）（拥搂）（感慨） 一（夜)落花 ？

2009年11月2日
唔知你察唔察觉到，有D时候，当你嘅朋友行近你，佢哋就好似走入咗一个阴影嘅范围里边，会不知不觉咁样感觉到一D冇原因嘅心情低落；亦可能有D时候，当你其他嘅朋友行近你，却好似走进咗天赐嘅光圈一样，唔需要任何嘅言语，却就总有咗温暖同平静嘅感觉，知唔知点解？呢D全部都系因为喺你内心嘅情绪作祟，你内在嘅情绪喺不知不觉当中影响咗其他人嘅情绪，呢样嘢亦都系你睇唔见嘅。结果就成为你随身（窥带）嘅印象，所以重点在于尽量保持内在嘅愉悦同埋安静，让你周围成为人人都想进入嘅天赐光圈，而唔系让其他人想要离开嘅阴影范围。
------网址 http://tieba.baidu.com/p/663960985 随身（窥带）嘅印象 ？

2009年11.03日 以市民心 为心，以天下事 为事
过去嘅已经过去咗，而未来嘅仲停留喺未来都未嚟到，所以，基本上你冇其他选择，你只能够好好咁样拥抱现在。再睇低嚟讲，如果你宜家正在食紧一餐饭嘅话，就请专心去品赏佢嘅各种滋味，如果你现在喺度睇紧一本书嘅话，就请用心进入作者各个美妙嘅创作世界里面，又或者，如果你正在坐紧巴士或者小巴嘅话，就请放心咁样去欣赏沿途嘅风景，如果有人喺你身旁，就请你全心全意咁样对待佢。唔好再沉迷同荒废，唔好再放纵同浪费，请你以一种清醒嘅眼光好好咁样面对眼前D时光。
--------网址 http://tieba.baidu.com/p/663965427


2009年11.04日
上天好公平，佢对每一个人有唔同嘅天赋。有人能够用文字嚟度（装）出花园，有人可以同音符对话，有人能够（最识彩）文化成为天堂，亦都有人能够十项全能纵横运动场。上天更加公平，因为佢亦都俾每一个人有同一样嘅天赋，呢一样就系爱嘅能力。爱嘅能力与生俱来，就从每一个人生命嘅正中央，当我哋使用爱嘅天赋嘅时候，佢就必然能够谱出动人D歌，展现优美嘅乐章。因为爱，呢一个最美丽嘅天赋，你就能够成为最叻嘅天才。
------网址 http://tieba.baidu.com/p/664376095 （装）出花园 （最识彩）？

2009年11.10日
喺你百忙当中嘅工作里面，如果有时间嘅话，我俾一个提议你。试下回想一下十年之前嘅你，到底系点样嘅状况，如果嗰个时候嘅你，有冇曾经谂过宜家嘅你究竟系点样噶呢，经过咗呢十年，或者你已经完成咗某个心愿，过住你喜欢嘅生活，又或者你变成咗从前谂都未谂过嘅人，经历住波澜起伏嘅人生。但无论如何，总系有D过程系你始料不及嘅，总有D成长让你泛起泪光，亦都总有D甜美嘅回忆成为咗你心灵上嘅甘泉，亦都总有D你曾经爱过嘅人离开咗你，又有D后来先至出现嘅人却带俾你生命上嘅曙光。再谂翻下十年之后嘅你，会系点样呢？你知道吗，文字系有住能量，一封写俾未来嘅信好似沿住佢神密嘅路径，所以，点解唔尝试写一封信俾十年之后嘅自己，将你嘅心愿投递出去，睇下经过呢十年之后，呢个心愿系唔系依然存在，又能唔能够实现呢？如果十年前嘅你未曾为宜家嘅自己做过呢件事嘅话，咁样，宜家嘅你就为十年后嘅自己设定一个你想要嘅未来。
-------网址 http://tieba.baidu.com/p/667054905 小贝翻译的很好


2010年10.8日
眼前嘅呢件事睇喺上嚟千头万绪，乱作一团，令到你心乱如麻。你话，你曾经尝试过好多唔同嘅方法嚟度去解决佢，结果呢，只系越做越乱，越缠越紧。容许我卑小小意见啦，或者喺企图改变呢件事情之前你应该先试下改变你自己，变你自己看待呢件事情嘅角度，卑自己一D正面嘅思考，亦都卑其他人一D正面嘅信息，跟住落嚟尝试松开你嘅心，唔带住任何情绪咁样嚟度看待事情嘅进行，并且最重要，相信奇迹。你冇听错，系吖，系奇迹，亦都系极为平凡嘅一个道理，只要你以正义嘅角度嚟度看待佢，佢就会以正面嘅结果嚟度回应你。
------网址 http://tieba.baidu.com/p/911038195