2009年12.31日
以市民心为心，以市民事为事 音乐情人
如果你用咗差唔多成年嘅时间，都克服唔到你心里面各种嘅悲伤，咁我提议你，尝试让自己进入冬眠状态，闩咗情感嘅门，闩咗情绪嘅窗，任由洁白嘅冰雪覆盖你心里面嘅污点。因为，与其让自己陷入卑痛苦煎熬嘅火海，不如以零度以下嘅平静暂时将自己冰封。要做嘅事情都系要做，要面对嘅人都系要面对，只系眼前嘅一切虽然仍就喺你嘅脑海当中，但系就冇进入你冬眠状态嘅心底。即系咁样，让日子一日一日又一日咁样无声无息好似雪花纷飞一样轻轻咁样飘过去。总有一日当你卑一件小事触动忍唔住开怀大笑嘅时候，你会惊讶咁嘛发现，原来自己仲系好有感觉嘅，原来呢个世界系好有乐趣嘅。即系咁样，喺不知不觉之间你心里边嘅冬天已经过去，而你嘅生命风景亦都早著换咗季节，开始迈向新嘅一日。
-------虽然仍就喺你嘅脑海当中 仍就还是仍旧


2010年1.1日
过去嘅伤痛就好似一个笼一样。当我哋嘅思绪又飘翻到过去，就好似俾呢一个笼闷住咗，喺呢个笼里边你搵唔到出口。但系，你知道吗，你其实有呢个选择嘅权利，你可以选择俾过去嘅笼闷住，但系，都可以选择从呢个笼里面走翻出嚟，而你嘅选择就系嗰条打开呢个笼嘅钥匙。当你选择重新嚟过，选择放低过去，过去嘅一切就唔可以再搵住你啦。零九走咗啦，一月和一零重新出发。
-------零九走咗啦，一月和一零重新出发？

2010年1.5日
你话，你总系唔希望令到其他人失望，所以，你总系好努力咁样让自己做到最好，因为太在意其他人嘅肯定，因为太期待其他人嘅掌声，使得你嘅心里面充满住强烈嘅不安同茫无嘅渴望。于是，你嘅内在一直都系处于动荡状态，而都系咁样的动荡状态里边，逼使你不段咁样向前奔跑，走下走下，你话走得好攰，你话走得好辛苦。系时候谂下究竟呢D其他人系边个呢？对于你嚟讲呢D个其他人其实喺一个虚幻嘅(置换)名词，并冇真正嘅标准，都冇实际嘅意义。你其实系知道噶，你永远冇可能取悦所有嘅人，亦都冇必要让每一个个其他人都感到满意。对自己嘅认知先至系你真正嘅价值，所以，淡淡定定咁样去面对外界嘅一切，随时随地咁样将其他人嘅眼光当成过眼云烟，因为只有咁样做，你先至会培养到你内在嘅安全感，你先至会感觉到内在嘅宁静，然之后呢，你以后都唔会有轻易动摇嘅自信啦。

2010.01.04
2009改写成为2010，新嘅一年新嘅感觉。朝早起身你抬头仰望，睇见好似冰河初溶一样，睇见绮丽神奇嘅天空，你感觉到，今天嘅云好靓，你感觉到今天嘅咩事（卡），至少喺一日即将开始嘅时候，你已经拥有希望无穷嘅天空，傍晚收工嘅时候，你再度抬头仰望，睇见斜阳欲走，波澜壮阔嘅天空，你感觉到今天嘅云好靓，今日嘅天色好美好。无论今日你曾经遇见D咩人又曾经发生咗D咩事，至少喺一日即将结束嘅时候，你依然拥有。。。。（卡）向住恩宠无限嘅天空。

2010.01.06
喺繁忙嘅生活里边，你有冇偶尔感觉到你嘅步伐开始紊乱，你嘅节奏开始（迷雾），尝试搵个时间静落嚟，聆听一下自己内在嘅节奏，唔需要莽撞咁样跟从其他人嘅脚步吖。因为唔系每一个人打网球都咁叻，亦都唔系每一个人都适合著同一款嘅衫。我想讲嘅系，你嘅价值由你自己嚟度去决定，既然系咁样，尝试用自己觉得舒服嘅方式嚟度过自己想要嘅生活，一如用自己喜欢嘅节奏嚟度跳出让自己感到放松嘅舞步。快乐无价，人生几何，与其变成（社会工厂逼出来嘅罐头），不如尝试去开片属于你独一无二嘅道路。
-----（迷雾）（社会工厂逼出来嘅罐头） 求纠正或肯定


2010年01.11日
你经常在意嘅，系你冇嘅嘢，你总系遗憾嘅，你总系一直耿耿於怀嘅，系你始终追求唔到嘅嘢，就系因为咁，你反而忽略咗嗰啲一直喺你身边嘅人同事，直至到有一日佢同你越行越远，直至到有一日佢唔喺你身边嘅时候，你先至忽然明白自己曾经拥有嘅，系几咁珍贵嘅东西。拥有嘅时候，你未曾感觉自己正在拥有，失去咗之后，你先至终於体会自己曾经拥有。如果你认同我以上讲嘅说话，如果你亦都觉得系一个遗憾嘅话，就冇再让呢个遗憾一而再，再而三咁嘛样发生，因为万事万物稍纵即逝，珍爱眼前嘅人同事，珍惜当下。

2010年01.13日
今年嘅冬天比过往嘅冬天嚟得浓烈。喺香港我哋未必感受得到，但当每晚我哋摞开电视机，我哋就会见到，喺世界各地好多个地方都俾大雪铺上，当你见到白雪盖天嘅景象，睇住佢我哋会谂到D乜嘢呢？可能有人会仿佛感到冇著鞋喺冰雪中一路咁嘛样行各种嘅寒冷感觉，有啲人会联想起一个棉帽同埋一杯绵绵嘅咖啡，而你可能只系单纯咁样欣赏一张无边无际白色圣洁嘅相片。我举以上嘅例子就想话俾你知，相同嘅景致落喺唔同人嘅眼里面会产生唔同嘅感受，雪景本身并冇特别嘅意义，佢嘅意义系出于人生嘅解读。所以，快乐同痛苦嘅差别其实并不在于你遭遇到D咩事，而系在意你会用乜嘢角度嚟度睇呢件事。


2010.01.14
呢一排嘅天气都好冻吖，今日就改少少夏天嘅东西，夏天就想去沙滩，问你一个问题，你锺意波动嘅浪花定系宁静嘅沙滩呢？因为有浪花D冲击先至有沙滩，但系，如果冇沙滩嘅守候，浪花根本上系唔会存在。浪花同沙滩彼此依存，就好似你嘅心同身本末相连一样，你嘅心身外虽然周不时都会处于波动嘅状态，但系，你嘅内在呢，却系一直嘅宁静，而我哋嘅人生只不过系沙滩上面嘅一段深埗，喺月光之中，喺月光之下静观潮来潮往。


2010.01.15
你话，同佢喺埋一齐你觉得好开心，但系，喺咁样嘅开心背后，你都有隐隐嘅恐惧，恐惧有一日佢可能会离开你，而你亦都从此唔会再快乐啦。于是，你就冇办法放松去享受同佢喺埋一齐嘅快乐时光，于是，你总系分心，去预知离别来临嘅忧伤。但系，其实你知唔知道，决定你系唔系一个开心嘅人只系你自己，从来从来都唔系其他人，喺你嘅心里边先有快乐嘅感觉，先至能够同其他人嘅互动当中产生快乐嘅对应，而且无论你同边个喺埋一齐，其实都只系有唔同嘅认识同自己相处著。所以，一旦你令到自己成为快乐嘅源头嘅话。咁样只要你喺度，快乐就会喺度，唔会因为佢唔喺度快乐就唔存在啦。

2010年1.18日
打开水喉将水倒入一只杯里边，水就有呢只杯嘅形状，当你将水倒入玻璃樽里嘅时候，水就有嗰只樽嘅形状，水嘅个性总系能够适应唔同嘅容器。但系同样来自水呢个源头，冰就唔能够啦。一（股）冰总系散发住寒气，同周遭嘅一切维持住冷冰冰嘅距离。要我话，冰嘅个性又坚硬又固执，所以佢好难融入佢所置身嘅环境，水就唔同啦，水嘅流动性可以令佢处于（易安），随时随地咁样去到任何一个地方，但系冰嘅硬度只可以令佢固定喺一个嘅地方里面。讲出咁多比喻，其实我想话嘅，系我哋应该随时随地就好似水一样咁自由咁不拘，千祈千祈冇学习好似冰一般咁样（次次僵著）啦。音乐声太大，听不清
----- 一（股）冰 处于（易安） （次次僵著）

2010年1.19日
问你一个问题，到底有咩办法先至会令到一只大笨象企喺度唔郁，会唔会系用一条好沉重嘅铁链吖，我嘅答案即系唔需要噶，只需要一条好细个绳就可以，你可能会谂，对于庞大嘅大笨象嚟度讲，一条好细嘅绳又算得个乜嘢，但系结果就真系，佢企喺嗰度郁都唔郁，原因在在于大笨象只系感觉到俾限制住，但系其实佢并唔知道，佢自己本身所拥有嘅力量系嗰个限制嘅一千一万倍。同样D,嗰一件令到你好惊令到你好担忧令到你裹足不前嘅事，讲唔定亦都只系好似呢一条咁细个绳，都其实并唔好似你以为咁困难，只不过系你自己认定咗，冇办法突破佢，佢先至会沉重企上嚟。我想讲嘅系，好多时候冇一件事限制咗你，而系你嘅恐惧限制住你自己，听见呢个故事之后，希望你以后冇作只俾细绳绑住嘅大笨象，尝试摆脱恐惧，然之后，你会发现原来自己拥有无限充沛嘅力量。

2010年1.20日
你话，你俾嗰件事困扰著好耐，但系，慢慢经过时间嘅洗涤，原本你以为你已经走出咗嗰件事嘅阴影，但系，一个唔小心嘅触景，令到你再度生情，你嘅心喺瞬间之内堕入咗暗无天日嘅（底老）里面，所有不堪回首嘅往事，又再次喺你脑海里面惨痛咁样再度重现,喺你冇办法嘅情况底下，偶尔痛痛快快咁样大喊一场都系XXXX,但系请你喺大喊之后亦都大声话俾自己知，已经过去啦，一切都过去，让自己忘记佢。冇再让嗰件事卷土重来，重复又重复咁样去折磨自己，因为已经过去。你唔再记得起昨日，亦都唔想猜测明日，都已经过去啦。与其复复思索昨天，不如好好咁嘛度过今天呢。
-----音译 暗无天日嘅（底老）里面 痛痛快快咁样大喊一场都系XXXX？

2010年1.22日
你住嘅地方就系你嘅心。有时候你会邀请三几个朋友一齐促膝谈心，甚至乎有D时候你兴致到可能会喺你间屋里面大宴亲朋。但系，绝大部分嘅时候，你更加喜欢一个人自己享受自己呢。你总会有呢种感觉，一个人嘅时候锺意做乜嘢就做乜嘢。其实间屋同个心都系一样，你住喺里面你所要求噶只不过系自在同舒服。所以肯请你冇将间屋变成一个时间单位，就好似你唔需要其他人嘅赞美先至能够肯定自己嘅价值一样，保持呢间屋捍卫咗喺其中感觉到嘅嗰份温馨同恬静，安顿好你个心只系为咗随时可以搵到你自己。

2010.01.25
你话，你对自己有好高嘅期望，所以同样D,你对其他人都带有同样嘅期望，但系，你知唔知道，有时咁样反而会造成你对自己嘅失望，因为呢个世界上面冇任何一个人可以真正如你所愿，冇任何一件事能够永远一成不变。因为我哋生活喺一个变换瞬时永恒嘅世界里边，如果将期望寄托喺其他人身上，只会让你嘅心不断咁样喺不确定嘅快乐同埋悲伤之间悠悠荡荡，当向外求走到终点嘅时候，我哋识得向内嚟度搵出各种真谛。所以，如果冇人送你一朵玫瑰花嘅话，咁样，你尝试下喺自己心里边为自己栽种一片玫瑰园。

2010年01.26日
你话，你喺上一站上车，跟住又去下一站，你企喺度转弯嘅路口，身后漫漫前方渺渺。你喺度谂，过去嘅朋友到底去咗边度呢？从前嗰啲快乐又悲伤嘅日子系唔系都离你而去？至于未来未知嘅岁月又将会系点样噶呢？唔需要太担心亦都唔需惆怅，其实你并冇失去D乜嘢，你目前只系经历紧一个转弯嘅过程。转弯有时转D快又累心力，而你嘅累心力就好自然咁样令到你跌咗好多旧时嘅嘢。正正因为咁样，你先至再能够喺前行嘅路程里边随时准备迎接新嘅东西。生命里面有好多转弯嘅过程同埋时候，而每一个转弯都系分开咗你嘅上一站同下一站。因此，唔需要担心，（从容）咁样行过转弯嘅路口，唔需要再惆怅，只系知道尽头万远而前路万长。
-----最尾（从容）咁样行过转弯 （尽头万远而前路万长）？